الحقيقة - "شخل"

يقول مدير القناة الرياضية وهو على فكرة "مش" إداري ولا رياضي أساساً بل مخرج... بضم الميم وكسر الراء وليس بفتح الثنتين ونروح فيها وش رايكم بالله ما أعدمت سيبويه؟.
يقول ما قدرنا ننقل مباريات الاتفاق في البطولة الخليجية، لكننا بنحاول نتفاوض لنقل مباراة الحبايب الهلال مو حق اعتزال الثنيان لا ... المباراة الودية اللي بيلعبها الفريق في معسكر البرتغال!..."تكفا"يا المتابعة الدقيقة ... بعدين وش رايك تروح تخرجها خصيصاً تتابع المباراة وتصفق بالمرة...؟
- أما الحارس اللي انتقل الاسبوع الماض من ناديه الصغير إلى النادي الكبير سوا لقاءات بكل الجرايد ماعمري شفت كثرها في فترة ثلاثة أيام ... عموماً الثقل زين وهذي مشكلة اللي ماخذا على الكبار ... عموماً شد حيلك وبيَّض وجه"الريس"اللي ماقصر ومن صفقة الى صفقة... وتستاهل ... بسيللا عاد لاتعودها وتصير كثير كذا.
- تصدقون ان فيه بعض الحكام الشباب هاالسنة شكلهم كويسين زي القحطاني وسويلم وحتى التويجري يوم أخذ فرصة وواحد آخر أتوقع انه بيحكم نهائي كأس الأمير فيصل.
- صدق من قال:"عط الحر فرصة"أو"عط الشباب فرصة"وبتشوف النتائج وبعدين مهم ان اللجنة"تشخلهم"كيف أشرح هالكلمة... تدرون ماعرفت... ومع السلامة.
ابن البلد
iabalad@maktoob.com