ما قويت... أنساه

ما قويت أنساه . . والله ما قويت
كل ما قالوا نسيته شدني
عذبةٍ زادت عذابي وانكويت
والبلى حتى الوفا له حدني
لجلها قلت القصايد بيت بيت
لجلها عذب المعاني تنحني
من حلاها وصفها في كل بيت
الله اكبر يا جمالٍ سرني
هي سقتني من سماها ما ارتويت
من شربته قالت النجلا هني
بالحكي زود الدلع منه اشتكيت
راضني ياجمل قصيدة ضمني
ليتني مثل الجنوبي لاهويت
الجنوبي بالهوى ما ينثني
ليتني من عقبها رحت وقريت
كان ربي عن حلاها صدني
صالح البراك