كاسة القهوة

لو للقصايد.. مزاج.. ف كاسة القهوة
ما كانت عروق راس الطرق خرمانة
ولا كان هذا المزاج بدونك.. معكر
ولا كان روحي لها يومين تعبانة
كم لي أنادي عليك اشفيك.. ما تسمع
وين أنت روحي من الهجران عطشانة
تعبت أدوّر عليك ف سالفة يمكن!
عصفور قلبك كسر مستوطن أغصانه
يانور عيني..عليك الله..لا تبعد
القيد عيّا يحرر روح سجّانة
أحياك مثل الجنون ف دايرة مبدع
من كثر ما هو يفكر جنّن جنانه
بعيد وأقرب لعيني من نظر عيني!
قريب وابعدتك الأيام طربانة
هوجست وأدري كلامي مندفع لكن ..
وش عاد عندي سوى لا دان لا دانة
غنيت قافي ..غرقت ف كاسة القهوة
لا الصدر ضايق ولا الأخلاق خربانة