(درب الاسناع)

الليلة احساسي هنا فاق الاوجاع
(احساس مدري ويش اسميه جاني)
كل مانويت اطيح اطيح اسمع القاع
يصرخ على رجمٍ تهاوى عشاني
صحيح مذنب..لكن ذنوبي اطباع
ماترخص ايماني على ماحداني
لكني الليله مثل طقة اصباع
على رجا ذكرى غدت قول (ماني)
محتاج شي يعدّل اوزان الاوضاع
شي ٍ يكون بكل شي..شي ثاني
اما يرجع لي زمان الذي ضاع
والا يرجعني.. لبر الاماني
ماعاد تقنعني اساليب الاقناع
لين اني اوقف في مكانة مكاني
ومن لاتعنى..ماسلك درب الاسناع
ومن لاتمنى.. ماملك عزم باني
ومن يشرح اليمه على كل سمّاع
يغويه خبل من العرب مكلماني
الى هنا يكفي شعر يكفي اوجاع
عرفت هالاحساس من وين جاني