بساتين واغراس

جسدالشاعر هليل بن سعود الحربي بعض مناقب الفقيد الشيخ شفاقه بن نهار بن نحيت يرحمه الله من خلال هذا النص(بساتين واغراس) حيث يقول:
شيخٍ رحل عنا عزيز جنابه
ليته فداه اللي مع البخل هلاس
تعبير يوم ان المزيني بدابه
حزن الفراق يحط بالكبد هوجاس
الله من قلب تزايد عذابه
لياذكرتمعرب الجد والساس
الموت سنه والاوادم تهابه
يالله عسى شفاقه يطهر من الباس
شبلٍ تعب للمرجله من شبابه
ابن نهار الي على الطيب مدواس
رجال فزعه والمعادي يهابه
يايما وقف من موقف يرفع الراس
عساه بالجنه يعزز ثوابه
ولا هو من اللي حقهم ويل وافلاس
مرحوم ياللي يوم قفت ركابه
ماهو بغيض وله معزه مع الناس
يجبر عزى اللي ذاق لوعة غيابه
ماينسى لوحال من دونه الياس
عسى الرعود اللي تقافا سحابه
ينبت على قبره بساتين واغراس