(شيخة الغيد)

الشاعر طلال الطرقي خص قراء (ملامح صبح) بهذا النص العاطفي، اقراوه حيث يقول: لولا سواة الحظ ماضاق بي حال
ولاكانت عيوني من الدمع غرقا
ياصاحبي والهم فالصدر يختال
هم(ن) سكن فيني والاسباب فرقا
فرقا وليفٍ غاب، ماغاب عن بال
فكر القصيد اللي به اليوم نرقا
ماهو فراق مطاوعة حكي عذال
ولاغرها عاذل ليا قال طرقا
فرقا نصيب ولارحم قلب رجال
ذنبه:عشق له شيخة الغيد..عنقا
أقفى بها والعشق فالقلب لازال
ولازال في جوفه من البعد حرقا
مات الغرام ولا بقى شي ينقال
ناحت على غصن المحبين ورقا
قالوا تخيّر فالبني قلت بحتال
قالوا شبيه:وقلت أنا وين بلقا
من له هنا فالقلب قدراً ومنزال
في ذمتي لو يفني العمر يبقا