(تعالي)

يشاركنا لأول مرة الشاعر ضيف الله المنجومي من خلال هذا النص، أقراوه حيث يقول:
تعالي في ضفاف الخافق اللي من غلاك ايفوح
ومدّي من حنانك مايعوض ماضي اسنيني
انا ماعاد الي فبحور ترفات الهوى مصلوح
لقيتك وانتهى الماضي وجددت الامل فيني
تعالي ببتهاجك واندفاعك وب صدر مشروح
رغم كل الظروف اللي تواجهك وتعنّيني
تعالي نبني امن احلامنا فوق السحاب صروح
ورشي من عبير انفاسك اسطور الدواويني
ابااطرب من مواويل الوصال بصوتك المبحوح
وبااشرب سلسبيل انهار حبك لين ترويني
تعالي وادخلي قصر الغلا من بابه المفتوح
تلاقيني اقبالك فالمكان ارسم عناويني
على بالك ليا جيتي تقولين البعاد اجروح
وكاد ابسبة اجروح البعاد الهم طاويني
شتات افكاري اوهم الزمان وحظي المطروح
تلاقيها على نفس الطريق اللي موديني
تعال ولمّها باسكات عن صلف الهوا المفضوح
ومدّي من حنانك مايعوض ماضي اسنيني