(شعبك يحبك)

يابن المليك اللي ولا غاب طاريه
عبدالعزيز اللي موحد بلاده
لاينشغل بالك وإلى قلت وش فيه
مافيه إلا الخير واصل زياده
شعبك يحبك يشهد الله واليه
دعواتهم في كل فرض وعباده
تمد في سلمان يالله وتعطيه
من العمر والخير ومن السعاده
حاكم نظر للمجد والمجد ناصيه
إلين ماحقق مناه و مراده
واللي على يمناه تسمى? معانيه
محمد ومن مثله زعيم السياده
شامخ،منوّخ للصعايب بأياديه
ولي عهد الدار عزم وإراده
أفعاله اللي دون الإرهاب تكفيه
ينام في عين(ن) وعين(ن) وساده
ولي شفت أبو سلمان شفت الحزم فيه
محمد دوا المجروح وايضاً ضماده
بالصف الأول مع جنوده مساعيه
والنصر بإذن الله يجني حصاده
وإلا الوطن حق(ن) علينا نسميه
جنة بقاع الارض والله أراده
الروح ترخص له ولاهي تكفيه
وش هقوتك في شعب روحه عتاده
نقولها في صوت واحد وتوحيه
كل الشعوب المبغضه للإفاده
حنا حماة الدار في وجه أعاديه
بقيادة اللي نعتمد بإعتماده