إيه أحبه

(عازفه)شاعرة سعودية قادمة تنشر لأول مرة وقد اختارت شموس لتكون انطلاقتها الاولى من خلال قصيدتها(ايه أحبه).
ونحن ومع اعتزازنا بثقتها وحرصها،لانملك سوى الترحيب بها ودعوتكم لمشاركتنا قراءة قصيدتها..حيث تقول:
ما يعوضني بغيابه أي حاجه =كل هذا الكون من دونه كريه
كلها أيامي تنادي بأحتياجه =الأماكن والشوارع والوجيه
ياعسى عيني تشوفه ونتواجه = كلنا قلنا ترانا نشتهيه
إيه أحبه هو هوى عمري وسراجه=هو ربيع العمر هو اللي ابيه
حتى نورالصبح يتغير مزاجه =تعتم الدنيا بدونه تكتسيه
والصفا يدعي بصوته للعجاجه=وقتن بلياه مالي خلق ليه
كل ماهيض حنيني له وهاجه =لا ذكرته او جلست اختال فيه
معه حبي تنعدل كل العواجه =كن كل السحر في لمسة يديه
هو دوى روحي وطبه هو علاجه= كل جرحن لاقرب مني شفيه
غالي في قلبي ياقوته أو عاجه =كل هذا الكون ما يكفي اشتريه
هوبنى بالقلب قصر وصار تاجه=حبه اللي ماله بعيني شبيه
منحرج خايف اسبب بنزعاجه=وش اسوي بشوق قلبن مبتليه
ليش صارالبعد طبعه وانتهاجه=ليه يبعد ما درى إني ابيه