هامة أبياتي

حنيت لك هامة أبياتي" ُيبَه"وانحنت=وشلون ما تنحني لك وأنت سيّدها ؟!
حاولت أطاول عذوق الفكر حتى دنت=من شان أصافح بكفّك من فرايدها
وإن كانها قصّرت عن وصلكم وانثنت=يبقى خجلها وتقصيري يقيّدها
يمناي يابوي وإن عاشت ترى ماجنت=إلا سنابل جميلك في ثرى يدها
سنين عمري ترى مهما بنت ..ما بنت=يبقى شموخك..وتوجيهك يشيّدها
عايش على حسّك..وعطفك أنا من سنة=ما كانت يْديك ل..يْديني عضايدها
يسعد صباح ابتسامة وجهك اللي عنت=من قسوة الوقت تكدح في جلايدها
الله يطوّل بعمرك بيننا واغتنت=نفسي وطلّة صباحاتك تعايدها
رفعت لك هامة أبياتي " ُيبَه "وانحنت=وشلون ما تنحني لك وأنت سيّدها ؟!