(فراقك وطاريك)

تشاركنا لأول مرة الشاعرة (إحساس القصيد) من خلال هذا النص الوجداني،أقراوا إحساس لتستمتعوا بشعرها حيث تقول:
ودعتك الله مانيب يوم ناسيك
كودالبشر تنسى من اللي وهبها
توديع مكره يوم ما عاديمديك
لحظة وداعك خاطري ماحسبها
يالايمي بالحب مافيه تشكيك
جروح قلبي زاد فيها عطبها
أحزن على ذكرى ليالي تسريك
والحزن نار من ضلوعي حطبها
ياما صبرت إحساس إني بلاقيك
محبتك بالوصل ما الله كتبها
داريت حبك كثر ماني أداريك
أجهدت نفس زاد فيها تعبها
ماغير هايم في غرامي ل واديك
العشق وجهه تعشق اللي رغبها
ياعونة الله من فراقك وطاريك
حتى الوسيعه ضاق فيها رحبها