( يابحر )

من جديد شاعر ( تكفى ) محمد الدحيمي هذا النص الحصري والذي خص به مشكورا صفحتكم ( ملامح صبح )،أقراوا الدحيمي لتستمتعوا به وبجديده حيث يقول:
يابحر جيتك طفل حافظ جزءعمّا
مقصرٍ ايه.. لكن قصّرت (جدّه)
جدّه هي(ام الرخاوالشدّة) تسمّى
وين الرخا..! يشهد الله كلّها شدّه
ياحزن قرّب هنا جيت انشدك عمّا
قد فاتني من دروس الدمع من مدّه
يمّا انك الصاحب اللي خانني يمّا
مليت مني .. وقلت الصدّه الصدّه
احتجتك البارحة .. ياجعلك الحمّا
وشلون يا اوفى اصدقاي تهدّ ذا الهدّه
ان قلت همِّ نزح .. عوّد معه همّا
وانا معه مثل قولة (ودّه وردّه)
والاّ انت ياحظي اللي طاح ماسمّى
بأشكيك للواحد اللي ماحدٍ ندّه
لأني طفل / شايبٍ / حافظ جزء عمّا
لاني بمجرم ولا مرتد من الردّه