خواطر من فوق السحاب

هناء عصام
احب اقول للفضائيات اللى عمله حفلة ومبسوطة اوى من هتاف الاتراك ف المظاهرات ( سيسي سيسي ) ويقولك شوف العالم ازاى بيستنجد بالسيسي !! يااااه يا عبد الصمد ياه ..هو بغباوته بتاع واامرسااه بالظبط !!! سيسي بالتركي يعنى اخويا يا اهطل منك له !! الافورة والتطبيل لا دين له.
***
انت ليه يا حبيبي شرس وقاسي كده وبتكسر بوابات الجامعة و بتتشاقى ... احب اقولك ان شركة فالكون حسابها خالص وواخده فلوسها تالت ومتلت وعليهم بوسه !!! تكسر بقى البوابات تخرب تدمر تاكل دراع اللي جمبك كللل ده هيبقى من جيب اهل سعادتك اللى اساسا بعتينك تتعلم على حساب اهل سعادتي.
***
والنبى يا جماعة خدمة ( للانسانية ) ربوا عيالكوا بحيث مايصدقوش اي حاجة بيسمعوها حتى منكم قبل ما يناقشوا و يبحثوا ويدوروا ويقتنعوا ...بلاش جو هو كده يعنى كده ده !!!! معلش هتتعبو وهتزهقو وهيطلع ترابنتينكو صحيح بس مش هييجي واحد زي ابو اسماعيل او القرضاوي او علاء عبد الفتاح او اى فلان الفلاني يتف ف دماغهم !! اقطع دراعي ان ما كان نص العيال اللى ماشية ورا الناس دى بيعندوا ف اهلهم ليس اكثر !! فا يا ايها الاب اللى بيشيش ف الكافيه ..و يا ايتها الام اللى بتتفرج ع المسلسل ...رجااااءاً شغلوا دماغ عيالكو صح قبل ما يكبروا ويكابروا ....عايزين نلحق اخر نص ساعة ف الالفية يا جدعان مش كده !!
***
الارض بملوكها بسلاطينها ببلادها بجبالها ببحارها بحروبها بسلاحها بثوراتها بمجاعتها بأمراضها بأغنيائها بفقرائها .... مجرد نقطة ف ملكوته!!
هو رب العالمين لا اله الا هو.
إعلامية بالتلفزيون المصري