(سكر محلا )

من جديد الشاعر فاهد الرشيدي قصيدته(سكر محلا )والتي خص بها (ملامح صبح ) ومع شكرنا له ، ندعوكم لتشاركونا قراءته حيث يقول:
شعر- فاهد الرشيدي
قلت أسافر واهجر ارضك واتعلا..!
يمكن اعوض سنين(ن) ما صفن لي
يمكن انسى في غيابي واتسلا
يمكن اجبر خاطر(ن)ضيمه شكلي
يمكن ألقى في دروب العشق غلا..!
واشتري باللي بقى ليل(ن)يسلي
رحت انشّد عن زمان(ن) معك ولى
عن سنين(ن)بالفرح ما صوتن لي
وألتفت لي بالغدر رمش(ن) تبلا
راعني يوم انكسر خجلن يهلي
آه..ياغصن(ن) عناقيده تدلى
وآه..يارمشن سبب جرحي وغلي
مالك(ن)جوهر فؤادي ويتغلا
والليالي لا ذكرته تبتسم لي
أن نسيته ضاق طيفاه وتجلى
قصتي صارت معه ..يا طير ياللي
انت غير الناس ياسكر محلا
عزتي للي شرب سكر محلي
كيف اسافرللضياع..(ايوالله الا)
حبك اطهر لوسنينك ما صفن لي