(قصة وطن)

احتفاءً بذكرى اليوم الوطني لبلادنا الغالية ، يشاركنا الشاعر فاهد الرشيدي بهذا النص ( قصة وطن ) ومع شكرنا لابي ناصر ندعوكم لتشاركونا قراءته حيث يقول:
فوق هامات النخيل الخضر وانسام البرادي = تنكتب قصة وطن .. حباه بالأيمان ربه
في ثراه اطهر تراب ومسجد المبعوث هادي = وكن في عالي سماه المجد والتاريخ قبه
يا هجوسي للوطن حكام وحقوق ومبادي = والله أنه ما يجمل كل حرف (ن) ينكتب به
الوطن حب أزلي ورث (ن) تورثه الجدادي = من يقلّب نيته في حب داره تنقلبه
دارنا دار السعود النايفه بيض الأيادي = خيرها بين الصحاري فج نوره كل تبه
ما شكينا الضيم شرع الله يهلي بالمنادي = والمواطن قبل لا يسأل مطاليبه تلبه
يوم كل(ن) تشتكي عينه مداهيل السهادي = من حكمنا محتمينا لا نوايق كل غبه
ياوطن ما دام شرعك منزله رب العبادي = حاسدك بأمر الكريم يموت مع ريح(ن) تهبه
علموا من جا لدار الخير والتقوى معادي = إن له قوم(ن) لعينه تعشق الموت وتحبه
ايه .. حنا من يذر الموت بعيون الأعادي = ايه حنا من يصون حماك يالدر المخبه
دولة التوحيد والسنة عزايمها شدادي = وغير حكم أخوان نوره مانبي خيره وطبه