(مرقاب الأوجاع )

لاول مرة تشاركنا الشاعرة السعودية مهابة عواد بهذا النص ( مرقاب الاوجاع ) والذي خصت به ( ملامح صبح )ومع شكرنا لحرصها وتواصلها ندعوكم لتشاركونا قراءتها حيث تقول:
فجوج صدري كانت البارح وساع=لين ابتدا فجرالغرابيل بطلوع
ويوم إظهرت شمس الحقيقه على ‌قاع=عرفت بني كنت بالوقت مخدوع
ومن الندم عضيت عاروس الا‌صباع=واخذت من كاس الحسافات قرطوع
ويوم إن مفتاح الفرج من يدي ضاع=وحبل الرجاءبالياس قد صارمقطوع
رقابي الهاجس على رجم الاوجاع=في راس مرقاب المعاناة مصروع
جلست اطالع كيف وش لون الاوضاع=واراجع اللي فات موضوع موضوع
ونسنس من الذكرى على البال ذعذاع=وحرك لهم ٍ داخل القلب مزروع
وشبت لهايب نارمن بين الاضلاع=عجزت تطفيهامن اعيوني دموع
والله ماكن القدم تحتها قاع=من ضيق ٍ بصدري غدى اليوم مجموع
ماكنت احسب الوقت بيكون خداع=تغيب به شمس ٍ وتطفي به شموع
فليت قلبي وسط بحره له شراع=وطارت به ارياحه بعد كان مرفوع