وين أنت

لأول مرة يشاركنا الشاعر حمود الجابري بقصيدته ( وين أنت ) ومع ترحيبنا به ندعوكم لتشاركونا قراءة قصيدته..حيث يقول :
وين انت غايب يابعد روح مغليك = عساك مابك يااريش العين حاجه
شهرين مدري وين دارك وراضيك = ماهي عوايد صاحبي ونتهاجه
عودتني بالوصل من عرفتي فيك = وعلمتني فن القصيد ومزاجه
لحظة غرام وقيمة الحب تغنيك = لاضاق بالك مكسبه بنفراجه.
أكيد ظرفك من عتابي يبريك = حتى ينور ليل عذرك سراجه
لا..لا تلوم القلب عذره يراعيك = يكفيك من قلب الهواوي نتاجه
واليوم قرر يا تجيني يا انا اجيك =
أهم شي احنا لزوم انتواجه