يسعد صباحك

يسعد صباح النهار اللي تباشربك =ويسعد صباح الطيور اللي تغنابك
ويسعد صباح العطور اللي تعطربك =ويسعد خواتم يديك ويسعد ثيابك
ويسعد كحل تنثره عينك وينثربك = ويسعد مرايا تغار لزين هندابك
يسعد صباحك ويسعد سلمك وحربك = ياللي ذبحت الفؤاد بكثرة غيابك
تعبت اجمع شتاتي ويتبعثربك = وأقول تكفى رجيتك واصل أحبابك
انا حبيبي من الصعب اعترض دربك = آخاف تقسى علي تقول وش جابك؟
ولامن بغيت اعتذر رحت اتعذربك =وأقول لولا الغلا ماقف على بابك
كل المشاعر تحب تكون في قربك = لاتلوم شاعرك لو مووول وغنابك
مشاعري كلها ياشوق تشعر بك =قصائدي تكتب عيونك وتقرابك
شعري به الناس تفخر!! وأنت يفخربك =يفخر بك الشعر من ماطاك لهدابك
الشعر لاخير فيه أن ما تأثر بك =ورقص زهور الرومنسيه على اعتابك
اتعبت فكري معك في شرقك وغربك =ويمر في خاطري شالك وجلبابك
واتخيلك واتعمق فيك واسكربك =واذوب في رقتك وأموت واحيابك
أرجوك سلم علي وروح في دربك =يسعد صباح النهار اللي لنا جابك
ناصر المحياوي