مرحوم ياللي بالفضائل تكللت

ياسيدي يالفارس اللي ترجلت
وقلوبنا وقفت من وقوف قلبك
بشغافها يانايف الشهم مازلت
حيٍ وانت الآن بجوار ربك
رحلت لكن عن محبيك مارحلت
ياساكنٍ وجدان شعبٍ يحبك
الموت حق لكنني ماتخيلت
ننعاك واحنا دوم نسعد يقربك
ياللي لعرش أرباب الارهاب زلزلت
واصبح أمنّ كل الدول يفتخر بك
من بعد ما بالصبر معهم تجمّلت
ثم خضت لما خانوا العهد حربك
ولنصرة السنّه مع الحسبة أجزلت
واعطيت:والحق دام بك وانتصر بك
ياما لآجل امتك شلت وتحملت
واكملت في حفظ أمنها كل دربك
وياما في غيابك بفكري تأملت
حال المواطن وامنه اللي ارتبط بك
مرحوم ياللي بالفضايل تكللت
عسى مع طه من الحوض شُربك
مبروك بن سالم بن ماضي
- الرياض