حلم و تفاصيل

تواجهنا مشى عجلٍ وأنا وقفت أنادي له =ذهولي شل خطواتي ولا وضّح لي أسبابه
أبشكي له من أشواقي ومعها قلةالحيلة =وأبوصف له عذاباتي وأفاديهابرضاأهدابه
أبي يوقف يجاوب نزفي الحاير وياوي له =تكاثر فيني اللحظة وأنا عمري يتسلّى به
أشوفه أبعد من الحلم وأقرب من تفاصيله =وأشوفه حاضرٍ يملك عليّ الكون بغيابه
مراسيلي بكل الصد تصدمها مراسيله =تطيربشوقها والحب ويقفل دونها بابه
أنا وردي وهوى نبضي عذابه في محاصيله =جنى من صادق الإحساس صنوف أوهام كذابة
أنا اللي أكتم الآهات في لاهي مواويله =وانا اللي أعلن الإفلاس أنا ماني من أحبابه
أنا زود الثواني المهدرة في يومه وليله =عطش بأنهاري العذبة وأنا يرويني اسرابه
أنا اللي باذلة روحي وضاعت في مجاهيله =أدوّرها بشغاف القلب ويبعدها عن اعتابه
أنا اللي شاغلة نفسي شاقدّم له وش اعطي له =وأنا اللي لي تواجهنا يحيّرني وش أبدا به!