وأحلامي كبيرة

كانت يديني قصار وكانت أحلامي كبيرة=وكان من أول طموحي ثامن السبعه العجايب
كنت طفلة بالبرأة وكنت بنوته صغيرة =وكنت أرسم للأماني درب وأشكال وغرايب
وكنت أحلم بالغرام وكنت أحلم بالعشيرة=وقت ماتخطي عداي يفزعون بلاطلايب
وشفت بأحلامي دروب وطفتها ديرة بديرة=حتى آخر ماتخيل عيشتي فوق السحايب
كان حلم وكان ماضي وكانت الدنيا نضيرة=مثل ماكانت طموحي تعتلي كل الصعايب
ومرت سنيني تجرجر رغبتي ونفسي كسيره=وشفت حظي كيف يقتل رغبتي وبلا سبايب
عيشتي ماهي بعيشة وحالتي حالة خطيرة=كل يوم يزيد عمري لشقاء وأهل المصايب
صار حلمي بس أنجى من البلاء ثم أستجيرة=يعني صار اللي خشيته وآخر اللي كان غايب
عشت في عالم مشتت والهوى ميت ضميرة=يقتل العاشق بدمعة غير تفريق الحبايب
بدخل العشرين عام وليتني فيها جديرة=كل من شاف حالي قال وشب الرأس شايب
يحسبوني إني عجوز وعايشه حال الصغيرة=مادروا إني شباب خايبة والحظ خايب
والبلاء موبس حظي البلاء باسمي أميرة= ماخذيت إلا الحروف وزود منها الرأس شايب
للشاعرة / أميرة المطيري