عتمة أحزان

يا موقد الشمع بآخر عتمة أحزاني=ودي بضوّه لكنه بآخر العتمه
مشيت درب العنا يمك وعناني=سواد الأيام و سلوم الهوى واسمه
تعبت اسابق ظروفي لا تعداني=واقول باكر يجود و يرسم البسمة
لكن باكر على ما مر ما جاني=الا بصبرٍ يفت الوقت من عزمه
ما عاد باقي سوى حرفي ووجداني=والخافق اللي معيي يقبل القسمه
يا موقد الشمع فالعتمة على شاني=اخاف تقرب و تطفي شمعك النسمه
واخاف تبقى بعيد وتكبر احزاني=لا ذاب شمعك وتوي باول العتمه