جديد المشاعر

جديد المشاعر يا هل الشعر والتعبير =على عادته ما سكر الوقت بيبانه
طموحه كبير وواقعه يرفض التغيير =على الدرب الأيمن نهجه الحر وأركانه
أعيش بحضوره رغم الأعذار والتقصير =يسطر حضوري وأبذل الجهد من شانه
تجاوز معي مراحل الصمت والتأخير =وكثير الوعود اللي بلا شك خسرانه
مداها قصير وعهدها له كذا تفسير =صريح العبارة ما لها عندها خانه
مفاهيمها عكس المفاهيم والتصوير =ولو ما تصور يكفي الحق برهانه
يظل الجواب الصامت أبلغ من التبرير =يقولون ولا ما يقولون عنوانه
زمان العجائب في عجبه العجاب تصير =يا كثر التغير في حقائقه وألوانه
لكن ماتذل ولا ترد الكبير صغير =سوى من جهل تقدير غيره ووجدانه
أحاسيسها تجهل مدى قيمة التقدير =بنظر من رجح بين الوفين ميزانه
وتظل الجزالة قمة الذوق والتأثير =لها أبعاد في لول المعاني ومرجانه
على كل حال وما رسخ في عقول الغير =سوى من قطف جوهر نواديه وسمانه
هذا والشعور ودافع الشرح والتقرير =سؤالٍ جوابه ما تغير ونيشانه
أبد ما خضعت لعالم الخوف والتحذير = خضوعي لخلاّق المخاليق سبحانه