هزمني الفكر

هزمني الفكر واضناني انيني..
وصار الحزن يتمرجح بعيني..
"شسوي والفرح ضدي يا عالم"..
وهمي غصب عني محتويني..
***
أنوح وكل من حولي سمعني..
واصيح ودمعي ما وقف فضحني..
واجض وكل ماجضيت جضه..
ألمها ما رحم قلبي وجعني..
***
تكتبني بكل ليله قصيده..
واكتبها على اطراف الجريده..
جزا الله من بلاني في وداده..
وقيدني بلا رحمه بقيده..
***
ما قلت الوقت يلعب في حياتي..
ويتركني تسيرني آهاتي..
تاخذني الحيره من ديره لديره..
وترميني بمنفى ذكرياتي..
المدينة المنورة