سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
فيما تم العثور على أكثر من 6000 زجاجة خمر بميناء الملك عبد العزيز .. رجال جمارك جسر الملك فهد يحبطون تهريب أكثر من 4000 زجاجة ويسكي قادمة من البحرين بنهار رمضان..!!
نجح رجال الجمارك بجسر الملك فهد صباح يوم الجمعة الماضي الموافق 21 رمضان وفى تمام الساعة 10 صباحا بالقبض على قائد صهريج خاص لنقل المواد الكيمائيه ( باكستانى الجنسية)قدم من مملكة البحرين حيث تم الاشتباه به من قبل موظف الجمارك فعثر على عدد4884 زجاجة ويسكى من نوع بلاك وجدت داخل الصهريج بعد قص صاج حديدي بمكينة لحام وتم عمل محضر رسمى بذلك وتحويل قائد الصهريج للسلطات الأمنية لاستكمال الاجراءات اللازمة جدير بالذكر أن رجال جمارك جسرالملك فهد يعتبرون من أميز رجال الجمارك بالسعودية نظير تميزهم العملي ودقتهم في الايقاع بكل من تسول له نفسه مخالفة قوانين البلاد احباط تهريب أكثر من 6000 زجاجة خمر بميناء الملك عبد العزيز في يوم الأربعاء الموافق 19/9/1430ه تمكن رجال الجمارك في جمرك ميناء الملك عبد العزيز بالدمام من إحباط محاولة تهريب كمية من الخمور بلغت 6048 ستة آلاف وثمانية وأربعون زجاجة خمر وجدت مخبأة بطريقة فنية داخل إرسالية أخشاب صرح بذلك الأستاذ عثمان بن عبد الرحمن الرقيعي مدير عام جمرك ميناء الملك عبد العزيز بالدمام الذي أشاد بما يبذله زملاءه في الجمرك والمنافذ الجمركية الأخرى من جهود مثمرة في التصدي لمثل هذه الممنوعات حسبي الله ونعم الوكيل ( باكستانى الجنسية) مين وراه مو معقوله 4884قاروره يهربها لحاله حسبه بسيط 4884*650=3174600 ريال (؟) الله يعطيهم العافية بصراحة رجال وقدها وقدود الله يهديهم رجال الجمارك قطعوا رزق هالمسكين ياناس ياعالم خلو الناس تترزق الله واتركوا الناس تعيد العيد جاي والناس تبي تستانس أنتم كذا بتزيدون الزحمة في الجسر أيام العيد يعني بدال مايشترون من هالباكستاني بيروحون للبحرين وتزيد الزحمة في الجسر ويستانسون وينبسطون وبعدين هم مشترين مشترين من الباكستاني والا من البحرين يعني ماسويتوا شي ياجماركنا وإلى الأمام سر الله يجزاهمالف خير والى الأمام ياجنود الإسلام باكستاني كمان ماجاتنا البلاوي الا من تحت هالأجانب الله يخارجنا منهم ياااااارب . اسال الله ان يحمي ويحفضا بلادنا الغاليه يابلادي كم عشانش شهرنا والباكستاني ابو خلك بعد اخذ الحكم يبعد وياخذو بالبصمة الاصابع وكذالك العين علشان مايرجع مره ثانيه لنا نفديك ياوطنا بالروح والدم والمال 4884 × 500 = 2442000 اللهم لا شماته عالم صايمة وعالم ماعندها وقت تستعد للعيد.... وجاب العيد ابو فسية من بدري... ضرووووووري يروح قصاص لجل يكون عبره لغيره ... الله يقويهم وينصرهم ههههههههههههههههههه مساكين رجال الجمارك وانا اقولهم يا..... انتظر لين يجيك الربيع وانصحكم بمشاهدة حلقة طاش ماطاش (المنفذ) بصراحه قووووويه بحق الجمارك شفلك وزارة غير الجمارك وريح بالك افيد لك بدل الشحططه والمرررمره والذل الباكستاني سواق لا اقل ولا اكثر ... شوفوا من الهامور الكبير صاحب الحمله .. قيمة الشراء من البحرين لا تقل عن 400,000 ريال من وين للباكستاني 400,000 انا اول مره اشوف قطاع مهم مثلكم يالجمارك وموقعه حساس نص المؤظفين اللي فيه مؤؤؤؤقتين هههههههههههه والله نظام اللحين مكان حساس مثلهم ويقدر يدخلك كيالو حشيش ومتفجرات ويقدر ويقدر واخر شي اسأله وش مرتبتك يقول ماللي مرتبه اجل ايش مسمياتكم يقول مؤقت ؟؟؟؟ كيف مؤقت جديده هاذي يقول يعني لاتحسب خدمه ولا زيادات ولاتأمينات ولا راتب تقاعد واقدر افصل في اي وقت ويفصلونني في اي وقت حالي حال الاجنبي ؟؟ بصراحه قد يشكي ليقال اصابنا الاحباط ساعات افتش واتعب وانصح والله خوفن من الله والامانه لكن غيري يسوي جريه ويفصل لارقيب ولا شي ولا احدا يسألك ويقول اشتغل وغيري اللي مرسمين هم اللي يلقونها رواتب وسكن وتامينات لي 3 سنوات على هالحال وغيري 5 سنوات ولاسكن ولاشي مره وأساله وش شهادتك قال جامعي ياناس جامعي قال انتظر الله يرزقني بوظيفه غيرها لان الترسيم توه قدامي مائات ؟؟؟؟؟ كيف انا استغربت حسبته يستهبل علي وانا اسأل واحد بوزارة الماليه قعد يضحك علي قال نص مؤظفين الجمارك مؤقتين واللله حرام بعذر هالبلاوي لادخلت بلدنا مؤقت يعني بأمكانه يسوي شي ويمسك الباب لانه مو مسجل بالخدمه المدنيه يعني حاله حال المتعاون ....؟؟؟ انا ابغى اعرف شي هل معقوله حكامنا يدرون عن الشي هذا وساكتين ....؟؟؟ مااتوقع بس يجب النظر في حالهم واالا لاتوظف احد متعاون في قطاع من اهم القطاعات ... تدرون ياناس ايش المشكلة ............ المشكلة ان الباكستاني هرب عندما حولت السيارة للاشعه ولايندرى وينه حتى الان .......... وجوازه موجود لدى الموظفين ........ تبي تقولي كيف هرب والله ماندري هذا القهر ......... وإلا الموظفين والله العظيم مجتهدين لكل من تسول له نفسه يعطيكم العافية ياموظفي جمرك الجسر والله العظيم ابطال واحتسبوا الاجر من الله .... انصحكم بمشاهدة هذ ه الحلقة من طاش ماطاش لكي تعرفوا كم يعاني موظفي الجمارك :- من كل شي وغيرررنا جالس بهالغرف ولا حاس بنا .... http://www.youtube.com/watch?v=nEVLbuaU0zU وياليت على تعبهم وحمايتهم على الوطن ياخذون رواتب عدله!! اليس هؤلاء المواطنون وحامين الوطن!! لو اجانب كان اعطيناهم رواتب افضل من كذا بعذر ابو فسية ملايين تلقاه الخبيث عبأ السعودية بهالصهريج الله يهديه قبل الموت كم مليون دخل قبل أكيد ماهي أول مرة بس الإنسان حريص طماع والشيطان أحرص على الفساد اللهم استر على كل مسلم ومسلمة ونور بصائرهم للحق ولا تجعل للشيطان عليهم سبيلا .. بما أني موظف جمركي وأرى هذا الأخلاص والتفاني إلغ أنه يقابل بالتهميش وعدم إعطاء الموظفين ما يستحقونة في الأضافي أقصد خارج الدوام والسكن إلخ أما الترسيم فبعد قرن بإذن الله تعالى يزيد و مرتاح كيف عرفتو الأسعار 500 ريال 650 ريال كان على طريقكم حسبتوا الشحنة اللتي فيى الميناء 6048. أمزح معكم يستاهل الموظف الي صاده وكفو والله بس تدرون وين المشكلة .... 1_معدل طبيعي يدخل 20 الف سياره يومياً هذا غير الاعياد وبعض المواسم صدقوني فيه غير هالباكستاني يمر وما حد جاب خبر لأنه وبكل بساطه يعتبر عمل رجال الجمارك في جسر الملك فهد لمد8 ساعات يومياً وشفت كل اسبوع يتغير ورطوبه بشكل غير طبيعي تخيل انك مداوم تحت لهيب الشمس الظهر في عز الحر والرطوبه لمده 8 ساعات وعلى النقيض تماماً في الشتاء البروده تصل الى درجات متدنيه جداً صدقون فيه بلاوي تدخل عن طريق جسر الملك فهد والسبب ارهاق الموظفين اللغير طبيعي مهما وصفت لكم لا يمكن ان انقل الصوره كما هو الواقع مع العلم ان فيه موظفين لديهم قوه اشتباه وخبره وليس بالسهل مرور المهرب جسر الملك فهد بحاجة إلى / ايجاد ضعف الموظفين الموجودين ...نعاني من نقص موظفين وتسرب موظفين اعاده هيكله النظام المعمول بحيث يتم تغيير الآليه المعمول بها في طريقه توزيع الموظفين ومواعيد عملهم وتقسيم الراحات اثناء الدوام بالتسواي بين الموظفين ونركز على التساوي التركيز على بعض الموظفين ممن يشكلون احزاب ومحرابه مثل تلك الامور عدم التفرقه بين الموظفين من ناحية الأستئذان مطالبه الجميع بالعمل سواسية والحذر من التغاضي عن فلان على حساب فلان والله اعلم كفو يابو يعقوب وماقصرت انت والشباب وتستاهلون حبت خشم لكل واحد منكم قسم بالله انكم ابطال ياخي قسم بالله الله يجعلكم على القوه طيب كم قاروره دخلت للبلد هذا منفذ من عدة منافذ بريه اليمن - الامارات - قطر - البحرين - الكويت - العراق - الأردن ومعظمها تباع فيها الخمور بتصريح من دولهم غير المنافذ البحريه والجويه يعني منفذين تم ضبط حوالي 11000 قاروره وبضبطيه وحده غير باقي انواع المخدرات والاسلحه والمتفجرات الله يستر علينا ترى العين علينا الله يوفقهم فهم رجال وقد المسئوليه والله يساعدهم مبرووووووووك ياكعييييد والله انك بطل عاشت ايامك تستاهل كعيد من ابناء بريده هو البطل المغامر لهذه العملية الله يوفقه تاااااكلبه مقصوووووده الله يجزاهم الف خير ويحميهم والى الأمام ياجنود الإسلام ونناشد خادم الحرمين ان يكافئهم علي عملهم نشكر رجال الجمارك والحدود على جهودهم وهذه الكميات-على كثرتها- لا توازي شيئا مما يتم إدخاله للبلد من الممنوعات ماذا عن الإرساليات الدبلوماسية وكونتينرات الأمراء والمتنفذين والسفارات؟ لماذا لا تقطع الرؤوس الكبيرة حتى يرتاح ويأمن البلد؟ هؤلاء يستعدون لإحياء الليلي الحمراء في العيد الوطني !! ليفطروا على مسكر وكل منكر ثم لماذا لم يتم التحفظ على الباكستاني حتى انتهاء التفتيش وكيف هرب واختفى في نقطة حدودية بدون جوازه؟ وكيف ضحى بشاحنته بهذه البساطة مما يدل على ضخامة الصفقات والعصابات؟ ثم ألا يثير ذلك استفهامات وأن هناك اختراقا لسلطات الجسر من هذه العصابات؟ نعوذ بالله من الخذلان
