ناصر الفراعنة و خالد عبد الرحمن يظهران في مهرجان بريدة الترويحي

جذبت قوة وشهرة مهرجان بريدة الترويحي 30 الكثير من الشخصيات التي لها تأثيرفي الساحة ففي مساء الخميس ظهر الفنان خالد عبدالرحمن لأول مره في مناسبة عامة وبين آلاف الزوار في القرية الشامية ضمن فعاليات المهرجان وقدمت أمامة لوحة شامية ترحيباً به وسط تصفيق حار من الجماهير التي ملأت المدرجات ..
وأكد خالد عبدالرحمن في تصريح صحفي أمام الزوار أنه بصدد اخراج عمل مشترك من كلمات الشاعر منصور المشيقح والحان خالدعبدالرحمن وصرح خالد عبدالرحمن أن مدينة بريدة قريبه لقلبه والمدينة المحببه ويعتز بصداقاته التي يمتلكها في بريدة .
بعدها تفاجأ الحضور بقدوم الشاعر الكبير ناصرالفراعنة الذي قام بجولة عامة على الفعاليات برفقة الرئيس التنفيذي للمهرجان الاستاذ
عبد الرحمن الخضير ونائبه الاستاذ عبدالرحمن السعيد ومديرالبرامج الاستاذ أحمد الصقري بداية من مناخ العقيلات ومسرح الشباب
وشاهد عروض السيارات والقريةالشامية وقدمت له لوحة شامية خاصه ترحيباً به وسط هتافات الجماهير وترديد قصائدة الشهيرة
والقى قصيدة في مسرح مركز الملك خالد الحضاري ببريدة أثناء فعالية المهرجان الانشادي وقد أبهر الزوار حضوره ومشاركته
والتي عبر بها انه سعيد بزيارته للمهرجان ووصفه بالأروع ..
الجديربالذكر أن مهرجان بريدة الترويحي استقطب العديد من الوفود والشخصيات من جميع الجهات من مناطق المملكة مما جعلت
مدينة بريدة وجهه سياحية مهمه في السعودية ..
والنعم في خالد عبدالرحمن
ليس بانه فنان
لا انه طيب وحبوب ونفسه سمحه ومتوضع لا اخر درجه ويستهل ولا شاف نفسه ابدا كل خير ابونايف
عبدالله الخطيب
والله فرحنا بحضور الفنان المتوضع ابونايف
والله بيض الوجه وخلفها علينا يبونايف
اسرحه مافي احد من بريده الاحضر المهرجان وكان يسئل فين خالد من رجال كبار في السن ونساااااا وصغار في السن يسمعو عن خالد عبدالرحمن فاسئلة احد الصغار السن هل تعرف خالد عبدالرحمن قل ايه انا احبه
حيا ربي اسفرت وانورت مدينة بريدة بقدومكم هلا وغلا ابو نايف وناصر حياك
ننتضر الأمسية ونقول لي بريدة الى الا مام دوما
لو سمحتوا اللي بالصورة الثالثة
المبدع محمد اليحي والا لا عن يمين ابو نايف
ونعم بلفراعنه شاعر بحق وخقيقه ماهو بن نحيت
انا امس كنت حاضر القرية الشامية ,, بصراحة اخراج روعة وجدا ممتاز للمسرحية ماكنت اتوقعها ..
لكن هناك استغلال من ادارة المهرجان ,, رافعين سعر تذكرة الدخول من 15 ريال الى 25 ريال مع انه مسجل بالتذكره 15 ريال فقط ..
استغلال وبدينا بالطمع ولجيب من ذهبت هذه الزيادة ؟؟؟
إي والله يستاهل خالد عبدالرحمن
الإنسان والفنان
وناصر شاعر محبوب
ممكن لو سمحتوا ياشباب أبي مكان القريه الشاميه وين تقع
ولكم جزيل الشكر (؟) (؟) (؟)
ماشاءالله عليكم يابريدة
جذبتي القاصي والداني
احلى طله لعيووونك والله
يابونايف
والله والنعم وستين ألف نعم بخالد عبدالرحمن
حرام والله فنان ومغني
رجل حبوب وطيب وقلبه ابيض وفاهم وانساان خلوووووق لابعد درجه
ولايهون القارئ
والجايات احسن من الرايحات بإذن الله
فديت ديرة هلي انا ياناس
الله اكبر يابريده بعد ماكانت منارةالعلم والعلما ءومنبع السلفية ومثال ومركز الاستقامة المطلقة اصبحت تحتفي باهل الفن ومبسوطين ماشاء الله انه جاهم خالد عبدالرحمن لا ويبشرهم انه يبي ياخذ كلمات منهم ومن المشيقح
والله خوفيى بعد الهيئة في درة العروس تقلب تصير بريده غير وعقبال ماتجيكم اليسا
السلام عليكم
أنا لا أعلم لماذا صارت الصبغة الظاهرة للنشاط الصيفي في بريدة \"غير إسلامي\"
أين الدين ؟ أين الملتزمين ؟
متى كان أهل الغناء هم الرموز الذين ستدعون للمهرجانات؟ لا وفي بريدة!!!!
أتمنى ألا يدخل أو يسمى المهرجان بأي مسمى له علاقة بالإسلام.
أتمنى نشر الرد، وعدم حذف المشاركة ،وترك المجال للحرية الصحفية الالكترونية
مهرجااااااااااااااااااااااااااااااان بريده الترويحي اوناااااااااااااااااااااااااااسه او فررررررررررفشه***تحيااااااااااااتي لزوار المهرجااااااان
مهرجانات رائعة في بلادنا الحبيبة من الشمال الى الجنوب ومن الشرق الى الغرب ... حفظ الله البلاد من كل سؤ وأدام الله الأمن والأمان في ظل قيادتنا الرشيده ...
أنا من بريدة ............................. ولكن :
ليش يا \"عاجل\" قومتوا الدنيا على عنيزة ولا قعدتوها في مهرجان الربيع عندما استضافت \"محمد عبده\"
وأخذتم تتندرون بهم .. وتفاخرونهم باستضافتكم الشيخ سلمان العودة .. كمقارنة بين الاستضافتين .. مستدلين بذلك على أن كل إناء بما فيه ينضح ...!!!
اليوم صارت زيارة الفنان الآخر خالد عبدالرحمن ل\"بريدة\" إبداع !!! وتفخرون به !؟
الحمد لله أن دين الله ليس موكولاً لأهواء البشر .. وتلوناتهم حسب الخطوط الحمراء التي رسموها هم لأنفسهم.......... وهي :
العرق .. المدينة .. الوطن .. اللغة .. وووووالخ ... وأما الله فما له طاري
نبارك لكم يا أهل عنيزة هذه الفضيحة لجيرانكم الشماليين .. وللأسف أنا منهم
ولولا ثقتي بالجانب الآخر ل\"عاجل\" وهو التزام حرية التعبير .. لما كتبت هذا التعليق الحاد
سبحان الله يا اهل بريدة
في مهرجان الربيع كتبتم بريده تبداء مهرجان الربيع بمحاضرة لسلمان العودة وعنيزة باغنية لمحمد عبده
والان انتم تستقبلون خالد عبدالرحمن وتحتفون به وتقيسون به قوة مهرجانكم
عجبي منكم يا اهل بريدة حرام على غيركم و حلال لكم
نامل اظهار التعليق
كبيره ياالبريداويه جايبين الفنان خالدعبدالحمن المهرجان القادم اكيدبيجبون اصاله اونجوى كرم والله خربوهاماهوكذاالانفتاح الانفتاح شوي شوي احسن اتمنى من عاجل النشرواذاماودكم ترافيه الف صحيفه لواني اشوف عاجل لك عليهامن ناحية النشر
ياهلا هم هلا
والله مادريت ولا والله احضر
حياكم الله ياخالد وياناصر
واخلفوها علينا
ويامرحبا
الله يحيي ابو نايف الانسان الراقي بذوقه واخلاقه دون اعتبار لفنه فعلومه اعلوم ارجال والله يعصمه ويبعده عن الغناء واهله وهو ابخص بعلوم الرجال واهل المقنايص واعلوم اهل الفن وياهلا بابو فارس والله من عقبه شرهك على اللي عتب او مر على شاعر المليون صراحة بعده تنعاف
هلا والله بالهاطله يابو نايف (منوره بريده)
يا أهل عنيزة انتم لاتفرقون بين الدعوة والزيارة
الفرق بين بريدة وعنيزة ... ان اهل بعض اهل عنيزة رتب وبرمج لحضور محمد عبده لاجل ان يغني في عنيزة ... اما خالد عبد الرحمن فحضر لزيارة مهرجان بريدة وهل سمعتم ترتيبا لزيارته كلا مجرد خبر لهذا اليوم بما حصل الامس
ليه ما استضفتوهم بأمسية شعرية تجمع الشاعيرين؟؟؟؟؟
فيما بريدة تستضيف الشيخ سلمان العودة .. عنيزة تدعوا محمد عبده
هل يذكرنا أحد أين ورد هذا الخبر ؟
إما أن يكون الفرق في طريقة نقل الخبرين هو مجرد عنصرية ومحاولة إشعال الفتنة النائمة , وإما أن يكون - وهو الأقرب إن شاء الله - الأمر مجرد إنعدام تام في الاحترافية الصحفية و الخلو التام من الاحترافية حيث لا يوجد توجه معين ولا رسالة واضحة للموقع مثل أي منبر إعلامي.
إذا كان الأمر كذلك كما هو عشمي , نتمنى من رئيس التحرير إعاده ترتيب محرريه حتى يكونوا على درجة من الوعي الصحفي ليرقوا بمستوى الموقع إلى الأفضل في قادم الأيام إن شاء الله.
السلام عليكم
اخدعون كنت محسب انه فيه امسيه شعريه بس اخدعون
ومزودين السعر عشان خالد جي
من المفروض من الجنه ان يقمون امسيه شعريه ومحصل هذا
ررررررررررد على برررادو 2007
ايه هذا المبدع محمد اليحيى مخرج مسرحيه باب الحاره النجديه
اشكرررررررررر كل القائمين على المهرجان بجد ررروعه
حي الله أبونايف ...
شرفت المهرجان
والله في فرق يجي يزور او يجي يغني
والله من واجب اهل بريده اكرم الضيف
خالد والاغيره
المهرجان مرررررره فله...
الله لا يحييه ولا يبييه...
أما الفراعنه حيّاه الله ...
لكن الله يخلف على بريدة صار يفتخر بوجود أهل المجون باسم بريدة...
أنا مع من يريد إعادة انتخاب منظمي المهرجان...
شوفوا الفرق بين ربوة الرياض وبيننا ...
أنواع وأشكال الترفيه ومحاضرات بدون محرمات...
حتى لو قال البعض إنه ماغنى هالمره نشوفه والجايه يغني عندنا...
الله لايجيبها من سااااااعة!!!!
واضح تفكيرهم...
الله المستعان حسبنا الله ونعم الوكيل
أنا لا يشرفني حضور هذا الفاسق - هداه الله -
السنه هذي يجي يحضر واللي بعدها الله يستر يجي يغني
عجبا لكم يامسؤولين المهرجان
فكم سيعجب بهذا الشخص من شاب وشابة وطفل وغيرهم
أقول لكم يامسؤولي المهرجان كفى لعبا في عقولنا وعقول أبنائنا هل تريدون أن تفوقوا باقي المهرجانات ولوكانت على حساب دينكم وعقيدتكم .
مدينة المتناقظات .
أبونايف ((( عشرين عام من وش ذكرك فينا ؟! ) ( ياهاجري: أحلى الصور عندي بقت ))
أبناء عنيزة أليس فيكم رجلٌ رشيد !!!!!!
خالد عبدالرحمن زار المهرجان بصفته الشخصية دون دعوة ودون حفل غنائي وليس كمهرجان عنيزة ( دار ابن عثيمين ) الذي دعا محمد عبده لحفل غنائي
والله ياعالم عجزت أعرف أهل بريدة مايبون أحد أعوذ بالله من الصفه هذه وبعدين أبونايف والله أنه أنتهى كفنان وعسى الله يتوب عليه هو رجل محترم جدا وصاحب أخلاق بس لويترك الفن كان أحسن له ياالله يابونايف أترك بريد الزنا وترى الرزق على الله والله فيه ناس داجين ومع ذلك متمسكين بدينهم ومستحيل يسلكون طرق الحرام عشان وسخ دنيا تكفي ياخالد خذ باالنصيحة هذه والله أنا ماني ملتزم بس مستحيل أكون داعية للضلال .
الله يالدنيا منوَل كنا نستقبل المشايخ والمصلحين واليوم منيب قايله
الله يستر باتسر من نبي نستقبل
عسى بس ماتصير رقاصه
يحول تسنهم جايبينن لنا راس .......................
اشوى الله يبشركم بالخير
مانمرح الليل من هم الفراعنه وخالد عبدالرحمن نهوجس متى يجون لبريدة
وانت يامحمد اليحيى الله يهديك خامن خالد عبدالرحمن وترزز بقناة بقناة المجد
عار عليك
قناة المجد بريئة منك
وانت ياخالد عبدالرحمن ماقدرت زوجتك تظفك عن الاغاني شوي
ياناس فرقوا خالد عبدالرحمن جاء زياره ومحمد عبده جاي يغني يعني يعصي الله ويجاهر بالمعصيه
حياك الله ابونايف واهلا وسهلا فيك وفي جيتك الغالية
ابونايف غالي على الجميع
بريدة والقصيم عامة تحيك ونغليك
خالد عبدالرحمن يوجه رساله الى اسود هيئة الامر بالمعروف(حماة الفضيلة)وفقهم الله جميعا
خالد عبدالرحمن في رثاء الشيخ عبدالعزيز بن باز(رحمة الله)
ابونايف وااااااااااااااافي ماقصرت اللي جيتك والله تساوي كثير يكفي انك ماعديت القصيم وانت رايح لحائل غير انك تسير على القصيم
وبعدين وش الفائدة من حضورهم ؟؟؟؟!!!!
والله لوغني خالد ببريده لما رفعتم اصواتكم ولتباشرتم به ولاكن الزياره تقول ان هناك اتفاق بين خالد والمشيقح غنا ولا واحد منكم انكر هذا الامر
من قديم كان اهل بريده يحقدون علي المدخن ويرون انه فاسق ويرون من وضع دش انه فاسق
أما الآن واكبو التطور واصبحو اغلب شبابهم دخان ودشوش وغيرها
لذلك لايهمك من يكتب ومن يعيب لأن الطنزه تلحق صاحبه
ليه مجلسين الضيوف علي الارض وين الكراسي-كان الزياده الي بالتذكرة شريتو به كراسي--حتي العصير مقدمينه بدون كاسات( ) انواااااااااااااع التوفير
اتحدى اي واحد يثبت ان محمد عبدة حظر لعنيزة في مهرجان الغضاء .محمد عبدة فقط انشد بعنيزة بدون موسيقى او حتى دفوف . فتحوا عقولكم شوي و بعدين خالد عبدالرحمن وشى فيها لو جاكم الواجب عليكم اكرام الضيف وخالد رجل مسلم ابتلى بحب الغناء ادعو له بالهداية . وبعدين البلد مليانة بوذيين و مجوس و مسيحيين ومستضيفينهم ومحتاجينهم لتطور بلدنا ما قلنا فيهم شي .للمرة المليون اقول فتحوا وكبروا عقولكم و للمعلومية والدنا ابن عثيمين استقبل محمد عبدة في منزلة عدة ايام .
ياجماعة فضوها من سيرة يرحم والديكم والله كلام يجيب الغثيان . قال اية قال مانبي خالد عبدالرحمن ببريدة ياخي فية احد مشاورك انت تبية ولا لا .
اخي الكريم ليث بن عادي انت كتبت الاتي
( ياناس فرقوا خالد عبدالرحمن جاء زياره ومحمد عبده جاي يغني يعني يعصي الله ويجاهر بالمعصيه)
اتحداك ان تقسم بالله ان محمد عبدة جاء لعنيزة ليغتي كم كتبت انت .
انت يا اخي اللي عصيت و اغضبت الله بكذبك ز افترائك على محمد عبدة و على اهل عنيزة .
اعذرني اخي الكريم . اول صفة من صفات المنافق اذا حدث كذب
وش يبي يسرق المشيقح ها المره هههههههههههه
اكيد حدر على شاعر غير بركات
حرامي ومعه سراج هههههههههههه
خالد عبدالرحمن يغني للمشيقح
نكته والله مهزله قضوا الشعراء الكبار يغني لواحد تقهووو
هههههههههه اخر زمن
حينما تبداء نهاية اي فنان يبداء با التخبط فا خالد عبدالرحمن اتجه الى الكلمات الركيكه والغير مفبوله منه كا فنان بنى نفسه من النجوميه ها هو الان يختار اسماء شعراء غير معروفين في الساحة الشعبية ولهم مشاكل مع شعراء اتهموه بسرقة قصائدهم فاا منصور المشيقح معروف بسرقة القصائد ونسبها له وهذا يضع الفمان خالد عبدالرحمن موضع جدال في المستقبل ومشاكل فنية فا القصائد التي سوف تقدم له اكيد سا تكون مسروقه ...
المصدر منتدى بريده واتهام الشاعر الكبير بركات الشمري لمنصور المشيقح بسرقة قصائده واعطائها الفنان عزازي
الله ياسلام صاروا هالحثاله هم الوجهاء ومن نفتخر بهم لحضور مهرجاناتنا!!!!
ياحيف والله بدال مايستضيف المهرجان ناس لهم لمسات ايجابيه وتأثير ايجابي على افراد المجتمع وتكون استضافتهم تشجيع لهم للمزيد من العطاء مثل مهند جبريل ابو ديه وغيره صرنا نشوف خالد مدري مين وفراعنه وبن نحيت وماجر غصنهم اقول عليكم بالعافية وكفوكم
نورت بريده بوجووووودك ياخالد عبدالرحمن
وتستاهل كل التحية والتبريكات فيك ياابونايف
انت ياللي اسمك مخاوي الليل
حاطن لنا هالروابط تبي تحشم لخالد عبدالرحمن تبينا نحبوه وتبي تخليه الرجل الصالح
ياخي افتح جريدة الجزيره وشف الاعلانات ينسبون لك قصيده ب200 ريال قلهم اقصدوا بفلان واعطيكم فلوس
تسني بخالد عبدالرحمن يقصد بابن باز
عساوه يلحق على تلحين اغانيه
اركد بس ولا تقعد تجدع لنا روابطن ماله سنع
تراوه مادري عنك انت وروابطك
ولا دري انك مخلوق
why you dont show me not
وخير ياطير ياخالد عبدالرحمن فاسق وعاصي الله يهديك ويرده الى رشده ........ والحقيقه غريبه من اهل القصيم وهم المعروفين بالدين الطيب كيف سمحوا للمفسدين في الارض بالحضور في المناسبات ؟؟؟؟؟؟؟؟؟؟؟؟؟؟؟؟ والحقيقه ليس بشرف لاي مسلم ان يقابل عاصي او مفسد والشرف لو اننا استقبلنا السديس او الشريم او اي شخصيه منها منفعه للاسلام والمسلمين يعني اثرت المجتمع الاسلامي بمصادر قيمه في امور دينهم او ساهمت في تقويم وسد الثغرات التي نراها بأم اعيننا تتوسع يوم بعد يوم في جدار مجمتمعاتنا الاسلاميه لكن الله يحفظ الاسلام والمسلمين من كل مكروه
بسم الله الرحمن الرحيم
احب اوضح للأخوه الكرام أن العمل المشترك بين اخالد عبد الرحمن والمشيقح عن بريده عمل بعيد عن الموسيقى والعزف
وهو عباره عن شيله ..
هذا ما اوضحه لنا في مناسبة العشاء كلا من خالد عبد الرحمن والمشيقح
واتمنى ان يكون العمل ناجح بأذن الله
انت ياقاهر نفسك ..
القهر من عادة الشياطين والعياذ بالله ...
انتبه لنفسك لاتموت ويجيك جلطه بس ....
وباين عليك انك من المعجبين بشعر المشيقح والمتابعين له .. وكما قال المثل لايضر السحاب .......................................
استريح بس
وتقهووووووووو
قاهر نفسك
خمس الحواس
نبض الشارع
شخصين يريدون الأنتقام من الشاعر الكبير منصور المشيقح فتأكد أن منصور مادرى عنكم
لاانك ذنب من اذنب بركات الشمري الذي سرق المشيقح في وضح النهار وهو يمتلك التوثيق الرسمي للقصيده
ولكن مايضر السحاب نبح الكلاب والقافلة تسير والكلاب تنبح خلى قهرك يتطور يصير وسواس قهري هههههههههههههههه
قاهر
نبض
خمس
موضوعكم برمته تفوح منه رائحة قذرة وهجوم غير منطقي على احد شعراء بريدة المخلصين الذين عرف عنهم الخلق والطيب
ولكن لكل بارز حاقد وحاسد ولكن
من الواضح ان هناك تصفية حسابات من قبل البعض هداهم الله
مايعجبني خالد واول مرة اعرف الفراعنة
بس كويس ان بريدة بدات تنبسط وتكب العقد
واسفين لعنيزه وربي يوفق كل السعودية
بس سوال بسيط هل خالد والفراعنة جن ؟؟ ((( يظهران في مهرجان بريدة ))) مزحة ولا احد يزعل من جمهورهم
هههههههههه
نوفه - تبوك ( )
(( لاتكتب بيمينك ماتسرك يوم القيامه ))
دائما المميز والظاهر بالنجوميه محارب .. وانت كبير يالمشيقح والدليل واضح في مهرجان مدينتنا الغاليه بريده
والى الأمام بارك الله فيك
ويكفينا
تعاونك القادم مع المنشدين
عيد سعود
وحامد الضبعان
((وعبد الله السكيتي في البومه القادم)) ..
تقبل تحياتي
اخوك ومحبك
محمد الراضي
ابو صالح