رواتب أعضاء هيئة التدريس بجامعة القصيم لم تودع حتى الآن !!

تذمر أعضاء هيئة التدريس بجامعة القصيم من تأخر نزول رواتبهم في حساباتهم لهذا الشهر الحالي حتى 26/ 2 /1430
وطالب أعضاء هيئة التدريس بالجامعة سرعة العمل وايجاد الحل من قبل المسؤلين في إيداع الرواتب ..
علماً أنها ليست المرة الأولى فقد سبق تأخير في إيداع الرواتب ببداية العام الهجري الحالي وهذا ما جعل لدى الأعضاء المطالبة بإيجاد حل لمشكلة التأخير ..
ياشباب ترى البنك ماله دخل بالامور هذي دورها عند التاديات بالجامعة الكسالى ولا من مركز الاتصالات الادارية هم اللي ماخرينها
وش سالفة الرواتب والمكافئات ياجامعة القصيم؟؟؟؟؟؟؟؟؟؟
حتى نحن طالبات كلية التربية التابعة لجامعة القصيم مكافئاتنا صاير فيها انوااااع
اللخبطه؟؟!!
اعلنوا عن نزول مكافئة شهر
محرم وماشفنا شيييييييييييييييييييييييييييي!!!!!!!!!!!!!!!!!!
واليوم اعلنوا عن نزول مكافئة شهر صفر والحمدلله وصلت بسلااااااااااااااااااام
بس اللحين ترانا نطااااالبكم ياجامعة القصيم بمكافئة شهر محرم وين رااااااحت؟؟؟
وليس فقط أعضاء هيئة التدريس الين لم تنزل رواتبهم, بل الموظفين أيضا
وقد كثرت أخطاءهم في المرحلة الاخيرة ولابد لد امن تدخل معالي الدكتور/ خالد الحمودي لمعرفة المشكلة في شؤون الموظفين
ليش الاثارة بهذا الشكل !!!
أول ماقريت العنوان توقعت الرواتب متأخرة من اسبوع أو عشرة أيام !!؟؟
خير ياطير مانزلت اليوم تنزل بكرة وش المشكلة !!
وبعدين كل رواتب موظفي الدولة مانزلت الا اليوم السبت ،، عشان 25 صفر وافق يوم أمس الجمعة .. يعني أمداهم يتذمرون موظفي جامعة القصيم !!
ومعروف إن 25 من الشهر اذا وافق خميس تنزل الرواتب ، أما إذا وافق يوم جمعة فتنزل الرواتب غالبا يوم السبت 26 من الشهر ..
لذا نرجو من صحيفتنا الحبيبة (صحيفة عاجل) أن تكون أكثر رصانة وموضوعية ..
الله يكون بعوننا
والله الواحد انه يرفع ايده الى السماء ويدعي على من كان السبب
وقسم معاكم حق وربي للحين مانزل راتبي أنا موظف بالجامعه يعني مو بس اعضاء هيئة التدريس كل الموظفين مانزل لهم شيء ، وإتصلت مرتين على البنك يقول من الجامعه مو من البنك والحل للحين مانزل !!!
التأخير يشمل جميع موظفي جامعة القصيم من موظفين و أعضاء هيئة تدريس
تحياتي للجميع
حتى المؤسسة العامة لصوامع الغلال ومطاحن الدقيق الإدارة العامة بالرياض
موظفوها لم يستلموا رواتبهم حتى الآن ؟؟؟
أعضاء هيئة التدريس رواتبهم وااااجده ماعليهم رواتب الشهر اللي فات باااقي نصفه ماصرفوه اقل واحد فيهم فوق العشره الاف ..الخوف على المساكين الطلبه وموضفين الامن عندهم
لا أحد يستغرب من تأخر إيداع رواتب الموظفين و الأعضاء بجامعة القصيم
بسبب إنعدام مستوى الفهم و الإدراك في الإدارة الماليه بالجامعة
و التي دأبت على تأخير كل ما يخص الموظفين بسبب أو حتى بدونه ،
حيث أصبح هذا التأخر عادياً و ليس بمستغرب
و لو قدَّر الله لأحدٍ ما00 البحث عن السبب ، حتى من معالي مدير الجامعة
لم يجد إجابة مقنعة أو لمسه شافيه00
الطريف بالموضوع ، تعليق البعض ممن التقيت بهم
طباعة أوراق نقدية جديدة بتوقيع المحافظ الجديد لمؤسسة النقد العربي السعودي
لزوم الترزز و المهايط
و يا موظفين لا تحزنون00
إن الله معكم00 يمهل و لا يهمل
أتمنى اليوم الأحد ، تنحل الأزمة الراهنة على خير 00
و كفاية إحراج لموظفيك ياجامعة المهايط و الدعدعه00
تأخر يوم وانهبلتوا,, والطلاب المساكين تتأخر المكافأة عليهم شهر وشهرين ولا قالوا شيء !!!
الحقيقة نحن في جامعة الظلم والاضطهاد
غلطة الشاطر ابعشر ...
عساهم مايتهنون برواتبهم الا ماقل منهم
يا اخوان من حقنا نطالب برواتبنا ولا احد يقول تاخر يوم والا ساعه هذا الراتب مقابل عمل واللي يده بالماء مهو مثل اللي يده بالنار الاقساط تنسحب يوم 24 , والامتحانات ممنوع فيها الغياب نهائيا وجزاء التعب يأخرون رواتبنا ...
انا اطالب بمحاسبة مسؤلين الماليه والرواتب باقصى سرعه حتى لا يتكرر التقصير..
من أمن العقوبة
وما زال انتظار الراتب مستمرا
اخوي ابو رعد
آمل ان يتأخر راتبك ولا يكون لك مصدر دخل غيره حتى تحس باخوانك
حتى الآن لم ينزل الراتب واليوم تاريخ 27 من الشهر
والله فوضى وبعض الموظفين عليهم أقساط والبنك أخذ اللي بالحساب وما بقى لهم شيء بالرصيد
حسبي الله على المتسبب
يا جماعة إلى الساعة 1.30 ظهر الأحد ما نزل الراتب قمة الاحراج مع التزماتنا المادية والمشكلة في جامعة القصيم أكبر من تأخر الراتب إدارة الجامعة تحتاج إلى تغيير عاجل الرجل الأول والثاني بالتحديد ... والوقت يمضي ونحن واقفون والجامعات الأخرى تجري والله يعين على الدنيا
حرام عليكم ياجامعة القصيم فيه ناس والله محترين هالرلتب
وعلى فكرة هذي ماهي أول مرة يأخرونه .أنا ودي أعرف بس من وين التأخير والمفروض المتقاعص عن العمل يحاسب فورا. والمفروض تكون هناك رقابه ولكن للأسف الشديد لا حسيب ولا رقيب.
أنا أخاطب مدير الجامعة بأن يبت من هذه الظاهرة التي بدأت تتكرر أكثر من مرة
حسبنا الله ونعم الوكيل
وربي صادق اخوي .
اعضاء هيئة التدريس هوامير ومايأثر عليهم بدلات ورواتب مغرية
المشكلة احنا يالموظفين مراتب مو مستحقة ورواتب متأخرة والحال لاتسال عن الحال.
الحمدلله على كل حال
وحسبنا الله ونعم الوكيل.
الاخ أبو رعد
دخولك بالردود على شكل مدافع عن الجامعه وكأنها وضعتك محامياً لها.
بعدين ترانا عندنا التزامات واقساط ومصاريف !
أتمنى إنك تفيدنا بصراحة تامة عما إذا تأخر راتبك ... كيف انطباعك؟؟
يا اخوان البنك يقول ان المشكله بالادارة الماليه راجعوها بكرى..
والادارة يردون علينا من طرف خشومهم يقولون من البنك!!!!!!!
والرواتب راحت علينا..........
وواحد يقول مافيه رواتب الا السبت الجاي وانتم بخير, يعني خل العيال بالبيت لا هدايا ولا تمشيات ..
كلمة لابو رعد والمرجفين..
كل الموظفين عليهم التزامات ,, واللي يقول هوامير...!! الله المستعان ونسأل الله الستر بس
بالاخير نحب يوصل الموضوع لاكبر مسؤل بالوزارة, اذا كان هناك من يهتم!!!
المستفيد من التاخير هو البنك
الاخ ابو رعد
احمد ربك انت يمكن بنعمة ولا عليك التزامات للغير او كتبت لك شيك بمبلغ ما ... وراح صاحبه يصرف ما لقي الرصيد يسمح ...
وأعتقد انك من الي قد تسببوا بتأخير رواتب الموظفين ..
عساك تشوف يوم يتأخر راتبك اسبوع وتجلس تقابل عيالك منت قادر تجيب لهم خبز من الدجه .... وتحس بمأسات الناس
والله اني أعرف شخص حالته حاله أقساط وأجار وبزارين ... انه الان جالس مهموم
عساك تذوق يابورعد ماذاك اخونا هذا من هالهم
على فكره ياخوان كانت الرواتب قديما عندما كانت تودع في سامبا .لاتتأخر حتى لو وافق موعد الرواتب الجمعه على ما أعتقد... وبعد ما صارت تودع في الراجحي حصلت هالخربطه ؟؟؟؟؟؟؟؟؟؟؟؟ عاد انتوا فسروها ..
يقولون ان الموظف المسؤل أخطأ بالتوقيع الخاص برواتب الموظفين ؟ ؟؟؟ ولا هو بأجازه واذا قدرو يتصلون به لكي يعيد التوقيع من جديد ............؟؟؟؟؟؟؟؟؟؟
قدموا فيهم شكوى لحبيب العازمي او محمد بن ثايب
ياناس وربي قمة المهزله 3 أيام متأخر الراتب وبعد عملية قيصريه نزل الراتب ولما نزل نزل ناقص !!!!!
كيف ينقص الراتب وربي قمة المهزله ايش اسوي يعني اشقق ثيابي واتصلت على البنك يقول من الإداره الماليه نزل راتبك ونزلناه على طول لك !!!
للاسف هذا التضييع للامانه والمسؤلية ان يمر مرور الكرام
احد منسوبي الجامعة اخذ اسرته للمنطقة الشرقية مستغلا الاجازة
و وقع بحرج شديد حيث تم سحب المتبقي من رصيدة بسبب الالتزام باقساط
ولم يجد ما ياوي او يطعم اطفاله
فاضطر للاستعانه باحد اقربأة هناك حتي يفرجها الله
اتمني من المتسبب عن مثل هذه الامور تطبيق اشد العقوبة عليه
تكفون اعرض الوضع على تركي الميزاني لعلكم تجدون الحل عنده
حسبي الله على اي مسؤول عن هالمشكله الي صايره
طول الترم كرف وتعذيب والمشكله موظفه على بند محو الامية
وماعندنا غير 3 ايام بسسسسس بعد ماطلع لنا نظام الدوام ليومين
نبي ننسى شوي من الي عانيناه بوقت الاختبارات وبالاخير ننحط بهالموقف اسافر وانا معتمده على هالراتب
وبالاخر مانزززززززززل شي
وانت يابو رعد شكلك موظف بشؤون الموظفين وتبي ترقع لروحك ( ) ترى اكتفينا منكم ياشؤون الموظفين ومن لعبكم بالجامعه حتى الوظايف الي نستحقها بخبرتنا اخذتوها لبناتكم وزوجاتكم حسبي الله عليكم
أقسم بالله أن الراتب لم ينزل حتى هذه اللحظة
28\\2
الساعة 3وربع عصرا
عييييييييييييييييييييييييييييييييييييييب عليكم يالموضفين بالماليه بالجامعة
حسبي الله ونعم الوكيل
اكثر من 3 شهور ماشفنا شي؟؟