التحقيق مع 15 عسكريا ب «جوازات الجسر»

تحقق جوازات المنطقة الشرقية مع 15 فرداً من منسوبي جوازات جسر الملك فهد بعد ان تعددت شكاوى مسافرين ضدهم بعدم إدخال بياناتهم خلال إجراءات الدخول الى الجانب السعودي عبر الجسر.
وعلمت «اليوم» من مصدر بجوازات المنطقة الشرقية ان إدارة المتابعة بجوازات المنطقة الشرقية والتابعة مباشرة الى الادارة العامة للجوازات باشرت التحقيقات مع الأفراد من خلال شكاوى جاءت ضدهم من مسافرين دخلوا الجانب السعودي، ثم تعرقل سفرهم مرة اخرى عبر مطار الملك فهد الدولي بالدمام ، نتيجة عدم إدخال الموظفين المعنيين بالجسر بياناتهم في حاسوب الجوازات .
«اشارت مصادر الى ان المشكلة الأساسية هي ان أفراد الجوازات في وقت الازدحام لم يقوموا بإدخال بيانات المسافرين والسبب يعود كما قال عدد منهم الى شدة الازدحام خصوصاً في أيام عطلة الأسبوع»
وقالت جوازات المطار: «من المستحيل سفر هؤلاء المواطنين خارج المملكة وركوب الطائرة وهم بالأساس خارج المملكة، كما هو مسجل بأجهزة حاسوب الجوازات»، فاضطر عدد منهم الى العودة مرة اخرى بعد أن قام بالترتيبات اللازمة للسفر من حجز وخلافه .
وكشفت المصادر ان جسر الملك فهد تصدر منافذ الشرقية في هذا الاهمال يليه منفذ الرقعي ولازال التحقيق جاريا مع الأفراد لمعرفة الأسباب الرئيسية لهذا الاهمال، ومنع إدخال أي مواطن الى بلده دون تدوين وتسجيل معلوماته بالحاسب، مع انه دخل بالفعل.
الله يستر والي دخل وما سافر وين رااااااااااااح
نتطلع الى وقفة من المسئولين ومحاسبة المقصرين، فليس من من المعقول ان يدفع المواطن الذي دخل المملكة تكاليف اخطاء الموظفين سواء (حتى وان كانو عسكريين). وكان الأصوب من ادارة الجوزات عدم اعادة الراغبين في السفر، وان يتم استكمال اجراءات سفريهم ومحاسبة المقصرين دون ان يكون ذلك على حساب المواطن.
اهمال واستهانة بحقوق المواطنين في كل مكان بالمملكة.
وااااضح ان فيه اهماااااال
ولا كيف دخلت الخليه الارهابيه من البحرين الى السعوديه بدون مااحد يكشفهم وقبضت عليهم قطر وفضحت مخططهم و فيه واحد هارب داخل السعوديه للحين مامسكوه ..
السبب الموظفيين في منافذ جسر الملك فهد ومنافذنا مع قطر .. على العكس مع باقي منافذ المملكه وبالاخص منفذنا مع الكويت تجد منسوبي الجوزارت السعوديين دقيقين ومتميزيين
اتمنى التدقيق ومحاسبة المقصريين ومكافأة المجتهديين
الله من رفعة الخشم في جوزات الجسر وشين الانفس والاهمال وعدم المراقبه من المسؤلين او المناوبين في الجوزات
هههههههههه والله حاله ماعندي تعليق
رددو معي
سُبْحان الله وبحمده سبحان الله العظيم
انا حصل مع ابنى ومع زوجتى ومره سافرةمع عائلتى وجواز ابنى منتهى كبينة يعمل بها عسكرى واحد على الجهتين غير مقبول
متى نتطور الحين في سويسرى مترويطلع لفرنسابدون جواز بس تذكرة المترو تخيل تطلع من دوله لدولة بدون جواز تطوير وفيه ربط إلكتروني وحنا للحين بلشين باللي يطلعون للبحرين قبل ما تطلع اجراءات وزحمة على أيش متى نتعلم من أربا
ليش نعيد اختراع العجلة نظام طبقوه يعني كبي ونسخ وصلى الله وسلم
والله هذه هماله ...
العسكر ماودهم يشتغلوا ... جيبوا لهم هنود ولا بنقاله يشتغلوا لهم ...
وغير جالسين نطالب بوظائف وحنا ( طبعا أغلبنا وليس كلنا ) مايقدر يتحمل المسؤوليه ...
لايخدعونكم ويقولون انه من شده الازدحام . بل ان العقليه التي توضع في المنافذ هي عقليه غبيه فاسده لايرجى منها اصلاح او تعديل .. فهم مثل العرابجه ليس لديهم مانع انهم يتهاوشون معك او يستهزون بك . وبعضهم قليل حياء وهذا يدل على انه ليس هناك مراقبة . بعكس الجانب البحريني الذي ترى الوجيه السفره والبشوشه بدون اي تطاول على المسافر .
لزوم العدل وممكن المسافرين رفعو ضغطهم لكذا الواحد يبتلش وش يسووي التمسوو لهم الاعذار الي اخر المطاف وكشفت المصادر ان جسر الملك فهد تصدر منافذ الشرقية في هذا الاهمال هالعبارة قوية والله هههههه فديت هالصورة ذكرتني بشي قبل فتررة لكن ان شاء الله نكرر السفرية من اجل التجارة سمورة فديتك انتي وخشتك اانا طلعت قبلك وانتي باقي اكا اكا مستنرة على الكرسي احم عليك فاااااااااااارس وينك يخرب دارك
سحابتن عامه
الا مبالات بالشباب الصاعد من اكبر المشكلات التي نواجهها نحن المواطنين بكافة الاجهزه الحكوميه
مما اظطر العديد من الاجهزه الامنيه التعاقد مع المتقاعدين مرة اخرى
ماهي الاسباب نحتاج الى دراسة هذه الظاهره
والله يردبنا خير
صارت معي بعد مارجعت من البحرين راجعت بالصدفة فرع الجوازات حتى اجدد اقامة احد العمال..
واستدعاني الظابط وقال بأن اسمك مازال في البحرين !!
قلت ايه ترى جيت سباحه ياغالي !!
طبعا اهمال من العسكر فالحين بس يهايطون على المواطنين وهم ماعندهم ماعند جدتي
المفروض من ادارة الجوازات تحترم المسافرين السعوديين وخصوصا اللي ماهم سعوديين!!
انا كنت اسافر والله اني اجد استقبال وحفاوة في الدول الاخرى واذا جيت راجع للسعودية والله اني اجد اهمال وفساد من موظفي الجوازات وتعاملهم صبياني
وكأني في شارع وتعطل للاجهزة الحواسيب تبعهم بصراحة ماتشرف اني سعودي
مع هؤلاء المهملين وبصراحة افكر اتخلى عن الجنسية السعودية بسبب هؤلاء
العسكر الفاشلين علميا وعمليا .
مازلت اذكر وانا قادم من مطار دبي الى مطار الملك عبد العزيز ...
وكان معي معتمرين امارتيين...
وقفنا في صفوف متعدده وكان موظف الجوازات يصيح وقول (( ياحمد وين الغدا..!!))
بصوت مرتفع ونشاز ثم نظر الينا وقال: (( ياعيال روحوا للكونترات الفاضيه ))
طبعا رحنا وبدات المغامرات كلما رحنا لكاونتر فجأة يتعطل جهاز الحاسب لدى الموظف.. وتبدأ رحلة الانتقال حتى وقفنا جميعا الى كاونتر واحد فقط ...
بصراحة شي يقطع القلب ...
نحن موظفيين الجوزات نتكلم عن الظلم الحقيقي ال1ي يحصل لنا
نحن نعاني من ظلم يحصل لنا من توقيف وسجن حيث اذا تم أخراج عسكري بالخطأ
سوف يأتيك الفصل من الوظيفة وسجن لمدة شهرين وايضا استلام القضية المباحث
وايضا نأخذ تعاهدات بتبصيم المسافرين ولايوجد مكان مهئ للتبصيم وايضا نعاني من قلة الرواتب مع العلم انا مدير عام الجوزات يستلم نوط الاقتصاد ويأخذ عليه
500 الف ريال لكي يدخر للدولة مبالغ طائلة ولايتم وف الافراد حقهم
ايضا نعاني عندما نقبض على النزوريين والمتسلليين لانجد أي مكأفاة فنتساهل معهم
ولا ندقق عليهم ولاشئ من الاحباط الذي لانراه من المديرية
نحن نعاني نحن المنافذ والادارات والمطارات عدم نقلنا بسرعه وخاصة المنافذ نجلس فيه أكثر من عشر سنوات
بينما يقول المديرية أي شخص يتعدى خمس سنوات يتم نقله ولكن لايتم نقلنا
اشياء كثيرة تحصل لنا موظفيين الجوزات كثر سوف يفصلون مما يعانون من ظلم وترقب المباحث لهم
فااااااااااااااااااشلين تحس انهم جالسين يصرفون علك لا أخلاق ولا احترام !!
ولازم تشيك وراهم على كل شي تسويه عندهم !!!
السبب ليس الزحام كمايقولون ولكن السبب يعود الى امرين مهمين وخطرين على امن المملكه وهو انهم يقومون فى تخريج اشخاص خارج السعوديه الى البحرين بعضهم مطلوبين وخاصه من الاجانب وقد يكون ليس عدم تسجيلهم فى الدخول قد يكون اساس الموضوع تم مسح بيانات الاشخاص المطلوبين عن طريق مركز المعلومات للااشخاص مطلوبين ومسح هولاء معهم حتى يدان به الموظفين ولايكشف الفاعل كا الاحتمالات وارده مع ان البحرين هى مركز التقاء وتقابل الاجانب المجرمين فى الخليج
والله العظيم البلا بمركز المعلومات الوطني يدخل المسافر وبعد ساعه يرفظ من دون علم العسكري وبعدين خذ وه فغلوه هذا اللي جيدين فيه والظابط قصدي البنييه ماغير يرزرز ذنبه ترقيم وسكار الله يعافيهم ولا يبلانا ويابلادي واصلي
الله يعينهم الافراد من الزحمه ماألومهم
والله ان الحكومة ما قصرت في توظيف المواطنين بس العلة فينا يأمنون لنا العمل ولا نقوم بأدائة على الوجة الذي يرضي ربنا يعني اننا مهملون ومقصرون في آداء اعمالنا كلنا اهمال في اهمال وعدم مبالاة المفروض ان يتم فصل كل مقصر عشان يعرف قيمة الريال الي ياخذة ويكون عبرة لغيرة ..
يا حليلك يا هذا الفرد ! طيب ليش ما يحقق مع الضابط المسئول أولا ثم الأفراد؟ الى متى هذا الظلم للأفراد سواء في المعامله أو في المزايا الماليه صحيح هو واصل ودرس (الضابط) ولا كن في النهايه نحن عسكر ويجب أن يكون النظام العسكري واحد سواء فرد أو ضابط كما هو الحال في النظام المدني فأتمنى أن يصدر نظام جديد خاص بالأفراد بدل من النظام القديم العقيم وشكرا .
سألت احد الاجانب لماذا لاتستخدم مطار الملك فهد بدل من مطار البحرين خصوصا عند قدومك.
الرد بسيط ... قلة عدد الافراد وطول الطوابير وخصوصا اذا كان هنالك عمالة من الهند او باكستان فان الطابور يكون طويل جيد لانهم يجرون عملية التبصيم لكل شخص.
وايضا عند المغادرة يكون متعبا جدا الانتظار , فلا يوجد سوق كما في المطارات الاخرى او سينما.
جوزات الشرقية قمة الفوضي والتخلف والدليل المشاكل التي كل يوم تحصل والمحسوبية التي انتشرت فيها منذ حوالي سنة او اقل لابد من تدخل امير الا من محمد بن نايف ونقل بعض الافراد والضباط وإحلال بدلا عنهم وأولهم المدير وعدد من رؤساء الشعب
من زمان و حنا نتكلم عن جوازات الجسر الاخلاق تعبانه ونفسه في طرف خشمه
الا ما ندر يعني الي اشوفه تقل مجبورين على الشغل كم مره صار لي موقف معهم
بس للاسف عيالي معي .
والله كرهنا الجسر من الجوازات يبيلهم غربله كامله من افراد وضباط .
يعني اكتب تعليقي من جديد والا كيف ؟؟!!
الكود غلط ..
قبل ماتحقق مع الافراد العسكريين باي مكان او اي قطاع
شوف كثر التكليف الي عليهم
والبلد محتاج موظفيين ليش ماتوظفون العاطليين
والعجز موجود في كل القطاعات من قلة الموظفيين
ثاني شي شوف راتب الفرد العسكري هالطفسة الناقصة تسمونه راتب
والله لو يشحذا اشرف له
من عهد عبدالعزيز مازادت الا في عهد خالد مره وحده
من حوالي 100 سنة والخدعة الى تو كم عشرات الريالات
وثالث شي غيروا العقلية واسلوب التعامل مع الافراد
وايش القوانين الغريبة
ترى في افراد عسكري جامعيين الان ماهو زي زمان
وايش هالقانون الغريب اشغل العسكري لا يشغلك
يعني يجب تعطيل مخ العسكري واطاحته باكبر قدر من الهموم والمشاكل
عشان يكسروا عينه ولا يقدر يفكر بالصح والخطاء
واذا صار شى لهم وين الافراد
ليه ماتسالوا عن الضباط وقت الخطر وتحطونهم بالواجهة
اشوف الظباط صاروا يتحكمون في حياة الافراد العسكريين الخاصة
حتى حياتهم العائلة
ولا يقل تسلطهم عن ضباط مصر على الافراد
واذا الفرد العسكري طلب حقه قالوا لا تتجواز مرجعك
لانهم عارفيين الحقوق الضايعة كثيرة للافراد
ومايبون يحلونه خله عندكم يرغبون اهانة الفرد العسكري
ويلعبون على الافراد قوانين لا تفهم وكانه مكرمة
لكن الان افراد جامعيين
دول الخليج عزت افراد الا نحن ذلينهم
يالافراد الجامعيين يجب عليكم تثقيف الافراد بحقوقهم المسلوبة
وكرامتهم والصدق وقول الحق
15 يبغونهم ينهو الاف مؤلفه وبعد لاخارج دوام ولاسكن واذا تكلم الواحد قال انت عسكري يعني مالك اي ميزه لا ماليه ولا معنويه
1-مايقدر 15 فرد تغطية كل هذى العدد طبعن العدد الكلى اكثر من كذا بس الباقين مدرا
2-سهل جدا تفشي الرشى والتجاوزات نظرا لكثرة الضغوط وقلة المقابل
المفروض من زمان صاير الكلام هذا جوازات الجسر يبيلها غربله كامله
تكدس لسيارات المسافرين واخلاق تعبانه تحس انهم مغصوبين على الدوام
صار لي كم موقف بسبب موظفي الجوازات ولا حياة لمن تنادي اتمنى هذا التحقيق
هو البداية للتصحيح في جوازات الجسر .
الله يهديهم,سووها فينيقبل سنتين,ويوم جيت اسافر انا وعيالي لاوروبا رجعوني جوازات المطار قالوا لي انت ماسجل لك دخول اصلا,وخسرت تذاكري وتذاكر عيالي قيمتها اكثر من 16000 ريال وزيادة لانها غير مرتجعة
ياكثرهاا ماتصير لي ارجع علشان اسوي دخول للمملكه
لازم يكون هناك تحقيق جدي يمكن فيه شي ؟؟
للأسف الشديد
فقد حصل معي نفس الحالة والله من مطار الملك عبدالعزيز في جدة
عند وعدتي لأرض الوطن تفأجات بقولهم أني لم أخرج أساسا
حسب ما لديهم في الطرفيه على حد قولهم
وأخروني قرابة الساعة ويقولون نريد أن نحل مشكلة حتى لا يطول عليك الموضوع وتدخل في مسآلات والخطأ خطأهم
وأمثال هذه الحالة كثير
يا ليت التحقيق يمتد الى ادارة جوازات مكة المكرمه ويسئلوا عن اسباب عدم ترحيل المخالفين لنظام الاقامه وما هو المبرر لدى ادارة الجوزات 000
المفروض يحققون مع المدراء والضباط الاعلى منهم ويفصلونهم او ينقلونهم ايش ذنب المواطن الفرد المسكين اللي همومه ومشاكله اكثر من فرحه طوروا اجهزتهم وفروا الارقام والاماكن كبروا كابيناتكم وفروا سبل الراحه للموظفين اقصد العسكر تلقاهم من اوفى الناس واشدهم حماسة بس على سواتكم ياما بيصير وبيصير وحاولوا لاتاخذون الامر من منظور واحد او من شخص واحد .
ياجماعة الخير
والله افراد الجوازات مهضوم حقهم وخاصه المنافذ
يقعد بالمنفذ اكثر من 9 سنوات يبي ينقل عند اهله
والمديريه ترفض والسبب الفساد الاداري والواسطات الله لايكثرها
واذا تطالب بنقل عطوك تعاميمه اللي ترفع الضغط اللي له خمس سنوات ينقل و
انت خادم اكثر منهن
طيب وشرايك تبيني اشتغل زين الناس وانا محطم نفسيا وتعبان داخليا
ياخي هياني نفسي وبوقتها حاسبني
وثاني شي ذبحتنا المحاكمات العسكريه ماترحم الغلطان
واذا اخلصت بشغله وقبض على مهرب تدري وش يعطونا ورقه شكر
طابعينها من المكتبه ياعمي روووووووووووووح
انت وياه
انقلني عند اهلي وبعدين تفلسف انت وياه
عفوا اخوي الكريم الرجااال
فيه خطا في جملتك
كبي ونسخ
لو تبي تصححها تصير == كبي بيست
كبي = نسخ
past= لصق
الى كل من يتهم افراد الجوازات بالتقصير
هل تعلمون اننا نعمل على الحاسب الالي بدون صنف (بدل ) حاسب الى
مرحبا...كيفكم ياشباب
انتم كلامك صحيح وليس عليه غبار.... ومن جد هالاشي تحصل ويمكن عن طريق الخطأ
لاكن ياخوان انتم عارفين البحرين شنو فيها من مشاكل وقذاره تكرمون
انتم تقولون رافعين خشومهم وانفسهم شينه....
لانكم ماصرتو مكانهم وشفتم استهتار المواطنين وتزاويرهم لاوراق رسميه
ماشفتوهم هم راجعين بغير وعيهم ويتلفضون على الموظفين....يعني ضع انفسكم شويه بمكانهم وتعرفون ان الله حق. وشكراً
والله او فيهم واحد شيعى كاااااااااااااااااااان صارت خيااااانه للوطن وعمااااااااااااااله لايران وكل واحد قعد يتفلسف !!!
الله يكون بالعون والغلط على سعادة مدير الجوزات سالم البليهد يااخي ليه موقف عن افرادك بدل الحاسب وليه ماتنقلهم مثل باقي المسلمين خلاص واحد كمل اربع سنوات انقله عند اهله يااخي وظف اهل الشرقية الدمام والخبر والجبيل بالمنفذ ليه جايبلي افراد من تبوك ياخي حرام عليك الله لايوفقك دنيا واخره كانك ناويها يااخي انا بمطار الملك عبدالعزيز جايبني من الرياض والقصيم و حايل وغيري من القريات ليييييييييييييه وين اهل جده مايشتغلون بمطارهم هم اولى بمطارهم الى متى وحقوقنا مدعوس عليها بس انقولك الوعد قدام انت ومديريتك الفاشله من راسك الى الضبيب يعني معك واسطه قويه ننقلك مامعك خلك تخيس بالمطار او المنفذ لا بعد اذا رفعت من من طرف وزارة الداخليه قالولك هذي تخطي مراجع .
بعييييدا عن الجوازات
أنا فاقد واحد اسمراني بكباين الجمااارك
قمممممه في الاخلاق والله
الله يووفقه
عسكر ضعيفين لابدلات زي الناس وكل يوم يسحبون منهم بدل ..
يعني اخر شي سحبوا منهم بدل الحاسب الالي ..
يعني سحبت منه بدل الحاسب الالي .. وش ترجي منه ؟؟؟
يشتغل بدون بدلات مثلا ..
المشكلة اهمال الادارة العامة للجوازات افرادها .. ومريحة الضباط ..
بدون افراد ماتقدر تعمل ولا تنتج .. محتاجين دعم فقط
اكيد انهم عملاء للشيعه ولإيران عليكم بهم الخونه السيف الأملح
الواسطة
و
وتوظيف ابناء البادية ... جاي من البر مباشرة الى المرور والجوازات والشرطة!!
تسببت بمشاكل كارثية في البلد
لا حد يخاطر ويروح للبحرين ولا لسوريا لان الشيعة يبون ينتقمون من السعوديين
والبحرين وحتى هاللحظة فيها اضطرابات وعدم استقرار امني والله يستر بس
الان الشيعه يضايقون البحرينين السنة وشلون السعودي والسني ...
الله يكفينا الشر بس
بسم الله الرحمن الرحيم مدير عام الجوازات سالم البليهد ومن فوقه سمو وزير الداخليه وسمو مساعده حنا افراد المنافذ نعاني الامرين من طبيعه عملنا الشاقه والتي تفتقر الى الحوافز المعنويه والماديه ومن ضلم وتسلط الواسطه في تعاملاتنا داخل القطاع الذي تطور كثيرا في خدمته للمسافررين ولاكن وهنا الاشكال التعامل داخل المديريه للعاملين يعود الى العصر الحجري بدون مبالغه خوذوني انا مثال (اعمل بمنطقة تبوك منذ سبع سنوات وبعيد عن اهلي مايزيد عن 800كيلو وطبيعه عملنا شفتات يعني تعمل باليل بالنهار بالعصر وتعمل ثمان ساعات يوميا بكل جدواخلاص بدون خميس وجمعه طبعاوتعمل على الحاسب الالي ثمان ساعات يوميابدون بدل حاسب الي؟؟ وانتضر النقل الى منطقتي منذ سبع سنوات ويأتي عسكري جديد يمكن يكمل سنه او ينقل الى اهله تخيل وش بتكون ردت فعلك تخيلو معي انك تقدم على اجازه وبعد كم يوم تجيك والله شهر ونص وبعدين يمكن تجيك تخيل كأننا مو بالسعوديه سمو وزير الداخليه وسمو مساعده الامر يحتاج الى نضره من سعادتكم وفقنا الله لمافيه الصالح العام ودمتم بخير .
المفترض ان اعلى رواتب بالدوله للجوازات
لانها تدخل مليارات الريالات للدوله
وبعدين واجهة البلد
وين بدل الارهاب
وين بدل مقابلة الجمهور
وين بدل الحاسب
اعطووووووووووووووووووووووووونا ثم حاسبووووووووووووووووونا
القراء الاعزاء لاصحة لمانشر حول هاذا الموظوع واواكدللجميع ان كلامانشر غير صحيح وعارمن الصحه ولم يحصل اي تحقيق مع اي فردمن افراد جوازات جسر الملك فهد وارجو من الجميع التأكد من الخبر قبل نشر الاكاذيب والافتراءات
حفظ الله الوطن والمواطنين من الفتن
السلام عليكم ورحمة الله وبركاته
أفتحوا التوظيف للشباب تراهم في الآسواق في الباحه والرس واعنيزه