مصرع وافد سوري بمركز البصر بعد احتجازه والدفاع المدني يقطع الحديد..!!

لقي وافد عربي يحمل الجنسية السورية حتفه أمس بعد حادث شنيع وقع غرب مركز البصر بالقصيم حيث تسببت السرعة العالية لسيارتي هايلوكس وكامري في عدم السيطرة عليهما الأمر الذي أدى للإصطدام بسيارة وافد سوري يعمل بمجال حفر الآبار ويقود سيارة داتسون والتي احتجز داخلها بشكل بشع إذ بذل رجال الدفاع المدني جهودا كبيرة جدا لإخراجه عبر قطع حديد السيارة وقد توفي الوافد داخل سيارته متأثرا بقوة الإصطدام رحمه الله.
باشر الحادث هيئة الهلال الأحمر والتي أسعفت ثلاثة مصابين آخرين وكذلك كانت دوريات المرور بالموقع وقد أكد لعاجل الرائد إبراهيم أبا الخيل الناطق الإعلامي بمديرية الدفاع المدني بالقصيم أن الحادث وقع الساعة الثانية عشر وست وأربعين دقيقة ظهرا بسبب حادث اصطدام لثلاث سيارات نتج عنه وفاة واحدة وثلاث إصابات وكان الموفي في موقع الحادث محتجزا داخل سيارته .
رجال الدفاع المدني يقطعون حديد السيارة لإخراج الوافد السوري
إضغط على الصورة لمشاهدة الحجم الكامل
رحمه الله
على لسان الخبر
حيث تسببت السرعة العالية لسيارتي هايلوكس وكامري في عدم السيطرة عليهما الأمر الذي أدى للإصطدام بسيارة وافد سوري
طيب ليش التهور؟؟ قتلتم نفس متعمدين ..
ما أقول الا حسبي الله ونعم الوكيل
وانا لله وانا إليه راجعون
الله يغفر له ويرحمه
الموت حق وكلنا سوف يغادر لكن وش قدمنا لما بعد الموت
الله يرحمه ويتجاوز عنه طالع من بيته الصبح للعمل سبحان الله ما يدري انه ما راح يرجع لبيته
هذا المنسي والعلامة بيت الطين الواقع في مدخل البصر
هو كذا كذا ميت لو رجع ديرته
الله يغفر له ويرحمه
الله يرحمة ويغفر له ياررب
والله السررررررررررعة انتحااااااااااااار
احذروا ياامسلمين
والله يستر عليكم
الله يرحمه ويغفر له ولاموات المسلمين ... مشكلة ربعنا ببريدة انهم دايم مسرعين خاصة هايلوكس وكامري يتجاكرون !! مدري وش الفايدة والمشكلة النتجية معروفة يعني بس هبال ..؟؟؟
وهالمسكين الله يرحمه وغيره هم الضحية متى يعقلون ؟ زي امس في وسط بريدة راعي فرد يفحط وسد الشارع ولك الله سلم ماصدم احد ؟!؟؟!؟! تخلف لأبعد الحدود
وكان الموفي في موقع الحادث محتجزا داخل سيارته
رحمه الله وادخل فسيح جناته ...
يا صحيفة عاجل هناك اخطاء املائيه في اخباركم دائماً نرجو من سعادتكم التامل والدقه وعد السرعه في نقل الخبر الا بعد التدقيق..
شاكرين ومقدرين لكم ما تنقلونه لنا من اخبار مهمه ونافعه للمجتمع,,,,,
الله يرحمه ويغفرله ويقوم المصابين بسلامه..المشكله مشكله المرور والبلديه شوارع وتقاطعات خطيره بدون لوحات إرشاديه وبدون مطبات وإشارات حسبي الله علاكل من اهمل بمثل هاذي ألأمور....
أين ساهر ؟!!
ربما يكون مشغولا بمن يسير بسرعة 75 بدل 70 بشارع عمر بن الخطاب أو علي بن أبي طالب
رضي الله عنهما!!!!!!!!!!!!!!!!!!!!!!!!!!!!!!!!!!!!!
أين ساهر ؟!!
أعذروه !!
لأنه مشغولا بمن يسير بسرعة 30 بدل 25 في شارع الصناعة !!!!!!!!!!!!
لأنه مشغولا بمن يسير بسرعة 75 بدل 70 في شارع عمر بن الخطاب أو علي بن أبي طالب
رضي الله عنهما !!!
هناك شئ اسمه أولويات يامرور وياساهر !!!
أرواح الناس وأموالهم أمانة في أعناقكم !!!!!!!!!!!!!!
لاحول ولاقوه الابالله 0الله يرحمه ويصبر اهله0 ويشفي المصابين 0ويهدي شباب المسلمين 0وارجو من مدير ادارة المرور وضع دوريه تمسح في الطريق لان الطريق طويل واجزاء منه عريضه وبعض الشباب هداهم الله تسوله نفسه بسرعه ازائده وتفحيط 0بعدين اسراحه عن نفسي ماعمري شفت دورية مرور الابسوق الداخلي وشارع الخبيب وعند الحوادث فقط0وشكرا
اخر الزمان لايدري المرء بأي ذنب قتل اسأل الله العافية شباب مستهتر لايعي مسئولية تصرفه اللهم ارحم هذا المقيم وربط علي قلب زوجته وابنائه ووالدية انالله وانااليه راجعون
للهم إغفر له وارحمه
اللهم عافه واعف عنه
اللهم نقه من الذنوب والخطايا كما يُنقى الثوب الأبيض من الدنس
اللهم جازه بالحسنات احسانا وبالسيئات عفواً وغفرانا
اللهم إجعل قبره روضةً من رياض الجنه
اللهم ألهم أهله وذويه الصبر والسلوان ..
إنا لله وإنا إليه راجعون
ياجماعه الشباب ذبحو عباد الله باستهتارهم اللهم لاشماته
الله يرحمه ويسكنه فسيح جناته
قدر الله وماشاء فعل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
انا مادري الى متى عجز المرووووووووور عندنا عن الحد من ظاهرة عقوبة ...
السرررررررررررررررعة الزايده
والتفحيييييييييييييييييييييط
وقطع الإشااااااااااااااااااارات
وغيرهااااااااااااااااااااااااا
نشوف استهتار برجال الأمن في كثير من الأحيان ..... ومع ذلك لا تعلييييييييييييييق
واللي يمشي بالسليم زلته ما تغفر عند كثير من رجال المروووووووووووور !!!!!!!
تحياتي ....
الله يرحمه ويغفر له ويصبر اهله وذويه..اما اصحاب الهايلوكس والكامري الله ينتقم منهم ولايوفقهم
حيث انهم مستهينين بحياة البشر..ويسيرون بسرعه جنونيه لامثيل لها ورعان مدللين ومدلعين
بسيارات جديده ماحصل عليها الكثير من الموظفين يحصلون عليها بكل سهوله تلاقيه ماوصل عمره
حتى 17 عام يشترى له هلو ويتركه ابوه وامه يسرح ويمرح بكل جنون ويهدد بالساعه الواحده
المئات من حياة الناس حسبنا الله عليهم ونعم الوكيل هم واللي شرو لهم السيارات..ببريده
المراهقين يحسون ان لهم الحق بإمتلاك الشوارع ويفحطون ويضايقون خلق الله ولامن حسيب ولا
رقيب..وإذا مسكوه المرور او الدوريات تدخل الواسطه وخلال ساعه يطلع من التوقيف بكل
يسر وسهوله وهذا هو السبب..بريده شوارعها صارت مخيفه ومرعبه بسبب سرعة هؤلاء السفهاء؟
المفروض ان ادارة المرور تنزل قوانين جديده تحمي ارواح الابرياء
مثل :
1- سحب الرخصه لمدة ستة اشهر لمن يقود المركبه بسرعه جنونيه
2- سحب الرخصه لمدة ستة اشهر لمن يقود المركبه باستهتار بين المركبات
3- حجز المركبة لمدة سنه كامله وسحب الرخصة لمدة سنهايضا لمن يمارس التفحيط داخل نطاق المدينه
4- توقيع تعهد الالتزام لمن هم دون سن الخامسة والعشرين قبل اعطائهم التصريح او رخصة القيادة ومن يخالف العهده يعاقب بالعقاب المناسب
5- تكثيف دوريات المرور في الشوارع العامه
هؤلاء مبزره لاينفع معهم سوى العقاب والمنع
السلام عليكم
الله يرحمه ويسكنه فسيح جناته
والله يا شباب الحادث بشع باقصى ما نتصوره
كنت متواجد وقت الحادث وياليتني ما جيت
ددسن وفيها السوري الله يرحمه والحديد مسكر عليه
وبالجهه الاخرى هايلكس رايح وجهها وعندها واحد صغير ويا حولي والله اني اخنقتني العبره حين اشوفه يتقلب يمين ويسار من الوجع
والكامري الله يهديه ويهدي جميع المسلمين شايل الماصورة وكان بودي انكم مصورين الكامري ووجهها رايح بالماصورة
^^
طبعآآ ما فصلت لكم الحدث الا لسبب واحد وهو اللي قهرني واقسم بالله كرهت الدنيا وقتها
بوقت الحادث نكلم المرور يقول خلاص طلعت لكم سياره والاسعاف نكلمهم اول شي ما يردون ويوم ردو قالو خلاص بنرسل اخذ له وقت وبعدها جاء
لاكن الطامه الكبرى اننا نكلم على الدفاع المدني ولا حياه لمن تنادي
بعد محاولات واتصالات اول ما رفع السماعه قلت له فيه حادث وفيه محتجزين قال خلاص يبي يجيكم فرقه اصبرو
يعني انواع المهزله حتى الاسعاف يعني عنده قدره سرعه ومو زي الدفاع المدني لاكن الله يهديهم تاخروا
هذا ما كان عندي عن الحادث
____________________________________
ياليت من اي احد يشوف حادث يا انه بينزل يساعد او يتوكل على الله ويدعي لهم
اغلب اللي موجودين هداهم الله يتفرجون وتكليم بها الجوالات اجتمعوا عالم كله من ها المكالمات
يعني مالها اي داعي
والسلام خير ختام
عزيز خويلد ترى البصر مدينه اذا ماتعرف التصنيف
رحم الله المتوفى
انا حصل حادث يوم الاثنين 7/4 عند مخرج المريدسيه او زي مايمسى عند البعض حي النصار
كان قبل موقع الحادث 4 دوريات متوقفه تحت الجسر الذي لم يكتمل موقعه بعد طريق الثمانين باتجاه المطار والله ان ولا واحد وقف وباشر الحادث كلهم مشوا وندق على الدوريات وانكلمهم يحسبنا حنا الي صادمين مع العلم ان فيه اصابه وركبوها بعض الاخوان عشان يتعالج بالمستشفى
مااكذب عليكم اني اخذت اكثر من 3 دقايق احاول افهم الي استقبل البلاغ عجزز يفهم اخرته عصبت وقلت ارسل دوريه وخلهم يباشرون الحادث حنا نبي نمشي السياره مفتوحه وترى المكالمه مسجله اي شي يصير بالسياره مسؤوليتك الشخصيه ومير ينتفض قال سم خلاص الحين بتجيكم الدوريه
وانا عاد مششيت ووكلت امري لله وبرأت ذمتي اني فعلت الاسباب وحميت حق المصاب طبعا الحادث كان ان الرجال يحوس جوا السياره ومالت السياره وعدله بقووه وتضرب الرصيف الي بين الخطين بطريق الملك فهد
وسلامتكم .... اذكر قبل فتره كتبت رد عن بطولات الدفاع المندي وواحد مغفل قام يدعي ويهاوش اقوله اقرا رد الاخ شاهد عيان
هذا واحد من الاف مؤلفه كاشفين حقيقه الدفاع المندي فما بالك اذا خاويتهم خووه وجالستهم بتعرف كيف انهم مو قد الامانه وان ستر الاعراض عند الاغلبيه منهم 0% خاصه الجدد منهم
الله يستر على الجميع .. ورحم الله الفقيد
اغلب حوادث بريدة بسبة هالمبزرة الي يستعرضون الله ياخذهم وياخذ من شرالهم سيارات قضوا على
المسلمين مابين سرعة وتفحيط والقهر يدفع الديه ويطلع منهامكن شي صار..
انا كنت بالحادث والشي الي ما ذكره الجميع ان الكامري والهايلوكس عاكسين الطريق ويتطاردون والمسكين الله يرحمه ماسك سيده السوري الا هالمهبل بوجهه والي صدمه راعي الهايلوكس قممممممممممممممممممممممه الاستهتار بارواح الناس مايدري هالي معاكس انه قد يقابل ابوه او اخوه وجه بوجه يأخي هالشباب مستهتر وطايحين لي بالسواليف بوسط الشارع وما يعبرون احد انسدت حلوقهمطاقين حنك بوسط الشارع ؟؟؟الله يرحمك يامحمودرحت ضحيه استهتار؟؟؟؟
الله يرحمه ويسكنه فسيح جنات النعيم لجميع اموات المسلمين الله يرحمهم ويسكنهم فسيح جناته
امين
يا ويلهم من الله ذبحو الرجال وهو ماله ذنب
مجرمين عاكسين الطريق وهو ماش في مساره الصحيح وتسبب عليه
حسبي الله ونعم الوكيل على الي قتله
الله لا يوفق ابوه الي عطاه السياره وخلها يلعب برواح الناس
حسبي الله ونعم الوكيل حسبي الله ونعم الوكيل عليه
الله يرحمه حقيقه فاجه بس اتمنى التشديدمن قبل المرور والشرطه لى مبزره البصر دائما اكون واقف عند الاشاره ومافيه الا قوه قطع وين المرور هذا لوكان فيه مرور بس قوه استهتار لان كل اللي بالمرور كلهم من البصر
حسبي الله ونعم الوكيل فيكم وفي قوانين السير عندكم
يجب ان يقتل هؤلاء المتهورون امام الناس جميعا لكي يكونوا عبره
هايلوكس وكامري
الذنب ليس ذنب السياره بل هو ذنب السائق
ما الفائده من التهور والسرعه لقد ازهقتم روح مسلمه ( كأنكم قتلتم الناس جميعا)
هذولا هم شباب بريده كثير من الرفاهيه والدلع هو من سبب تلك المأسي للمسلمين تربيه للأسف في الحظيظ الوعي الأجتماعي كذلك اهم شي البزر يركب أفضل سياره وحياة الناس عند أولياء أمورهم ماتهم انا لله وانا إليه لراجعون
أول شي الله ير حمه / ثأنيآ هذا يدل على ان الدفاع المدني غير مهيء / وهو بس اسم / الدفاع المدني مدرب على تطفئة الحرائق فقط لاأغير / وتطفئة الحرائق انا اقدر اطفيها بدون تدريب وبدون شي / بس وجه الخرطوم لنأر انت وكم واحد وبس وياليت يطور ويصير نفس اليابان مع انه حلم بليس بالجنه من يوم اشوف كل واحد كرشه اكبر منه هههههه الله يحفظهم بس برب
اقول لكل واحد دعى على الشباب ربي يذوقك الحاله الي ام واحد من الشباب جالسه تعيشه اليوم
والي قال الشرهه على ابوه احب اقولك ان ابوه متوفي من سنين واخوه متوفي قبل سنتين
لذلك الام مو ناقصه تفقد ولده الثاني وعلى فكره هو بالعنايه المركزه وبغيبوبه
لذلك ياتدعون لهم بالشفاء والصلاح او الافضل انكم تسكتون لانكم مو اطهر منهم
ادعو للمصابين بالشفاء او اسكتو احسن واحد من الشباب بالعنايه وبغيبوبه وامه بحاله تقطع القلب لدرجه انها بدت تبكي ولدها الي توفى قبل سنتين وهاذا الثاني واقول لذكريات الهويملي لاتدعي على ميت لو سمحت لان ابوه متوفي بعد وتراك منتب اطهر من هالشباب ولاتدعي المثاليه
انا اعتذر اذا بدر مني شي غلط ولكن شي يقهر مما جعلني اكتب من دون شعور
الله يرحم ابوه ويسكنه الجنه والله يشفي المصاب ويرجعه لمه سالم معفا بذن لله
اعتذر من الجميع ولك اعتذار خاص يا ام البطاله والله يجزاك كل خير
يعطيكم العافيه يا عاجل
سبب الحادث هوضحية تجاوز وسرعة السيارتين الهايلكس والكامري بدون مراعاة لصاحب السياره الضحيه ... قتل عمد مع سبق الإصرار وهو هواية السرعه والتفحيط وإيذاء الآخرين !!!!!!