عدسة ( عاجل ) كادت أن تختفي بقرار ....... الدفاع المدني يباشر حريقا بالمعهد العالي التقني للفتيات بمدينة بريدة صباح اليوم ...والهلال الأحمر ينقل 10 حالات.... ( صور )

أخلى مدني منطقة القصيم صباح اليوم مبنى المعهد العالي التقني للفتيات بمدينة بريدة على اثر حريق نشب في داخل إحدى القاعات ( المكتبة ) بسبب التماس أحد أجهزة التكييف .. وكان الدفاع المدني قد تلقى بلاغا صباح اليوم عن اندلاع حريق داخل مبنى المعهد وعلى الفور تحركت فرق الإطفاء والإنقاذ وأربع فرق من سيارات الهلال الأحمر السعودي وبمشاركة الهيئة وعدد من الجهات الأمنية ، وقام رجال الدفاع المدني بعملية إخلاء للطالبات وايوائهن داخل أحد المساجد المجاورة بمعاونة عميدة المعهد ومنسوباته واللاتي كان لهن الفضل بعد الله وقبل وصول الدفاع المدني في اخماد جزء كبير من الحريق ... إلى ذلك نقلت فرق الهلال الأحمر قرابة العشر حالات إلى مستشفيات الملك فهد التخصصي و المركزي وبحسب المصادر فإن حالتهن مستقرة ولله الحمد .
عدسة ( عاجل ) والتي دائما ماتواكب قرائها وتضعهم في الحدث أولا بأول ... كادت أن تختفي بعد القرار الغريب الذي أصدره مدير الدوريات الأمنية بمنطقة القصيم بمنع كافة الإعلاميين من التصوير لأسباب غير معروفة ... لولا موافقة قادة الدفاع المدني صاحب الاختصاص بالحادثة والسماح بالتصوير وتسهيل المهام لجميع الإعلاميين .
كثرة حوادث كليات البنات في الاونة الاخيرةفي بريدة
بشكل ملحوظ وخصوص\" اندلاع الحرايق في الاجهزة الكهربائية
وهذا دليل واضح على ردائتها..
الحمد لله على سلامتهن الله يحفظ بناتنا وبنات المسلمين
لاكن المفروض يجاب المؤسسه او الشركه اللي نفذت المشروع ويعاقب ويغرم ويعوضن البنات اللي تضررن يعني لو قدر الله وحصل شئ لهن من المسؤل كان كلن يخلي مسؤليته والحين تشوف اللي ترزرزون يوم طلعو البنات سالمات معافات
حسبنا الله ونعم الوكيل اذا ما تم محاسبة المسؤلين عن المشكله
اخيرا سلملي على المديره واللي معها في اخماد الحريق
من يكون محرم الفتيات اللواتي يأخذهن الاسعاف؟؟..
اتمنى اجابة السؤال لمن يعرف
الحمد لله على سلامتهم
شكرًا مراسلنا المبدع دائما! وهذا مايميز عاجل سرعة الخبر؟ .لاكن أري منع التصوير كان صحيحا خصوصا هداك الله تصوير الطالبات بمدير الدوريات كان محقا بذلك ، امل من المحرر مستقبلا عدم تصوير النساء ،*
وه الحمد لله على سلاااااااامتناااا
كله بفضل الله ثم فضل الدفاع المدني والاسعاف في نفس اللحظه باشروا ماهي غريبه عليهم الله يحفظهم
بنااااات التقنيه صديقاتي العزيزات بكراااا غياااااب
الحمد لله على السلامة إن شاء الله خير ....
حمد الله على سلامة الجميع..~
ثآنيآ وش آلصبح آلحدث آلسآعه 11 وقع يعني ظهرآ ..)
ثآلثآ ليش تصوير على آلمسجد يعني اغلب البنات كانو هناك..~
عمومآ قدر الله و مآشآء فعل..
الحمد الله على السلامه ...بس حبيت اضيف لولا الفوضى الي عيشين فيها بالكليه ماصارت الي صار ....والا فيه احد يجمع الطالبات مكان الخطر..الحين يدرون ان الحريقه بذا المكان ويدرون انالمكتبه محترق ليش يجمون الطالبات في نفس الساحه الي جنبه الحريق ...وقسم لا العميده ولا المسولات عندهن دبره بس وحده شفته هي الي تحول وكانت تشتغل بقسم العلاقات الاجتماعيه هي السنعه ولا الباقي دخلن بغرفة ام ماريه
والمفروض بترتيب ونظام ..وعلى الاقل طلع والطالبات بعبايات فيه وقت لانه يوم نطلع ماطلع لا دخان ولانار ...بالاخير طلع الدخان ...انا لوانا مكان العميده جمعة الطالبات في الساحه البعيده وبعيد عن الرجال واختلاط بهم ...وا ادخلهن بالمصلى الخارجي الي خلف الكليه تابع للكليه من الخلف ...بس مااش كلهن معندن سنع .....(؟) الله يخلف بس مايدرن انا الطالبات والي يصير لهن من مسواليتهن....
الحمدلله على السلامة سلامة دائمة وأرفع القبعة لرجال الدفاع المدني ورجال الهيئة
أولا اللهم لك الحمد على سلامه الجميع انا كنت متواجده وقت الحدث منظر مهووول
صراحه الشكر كل الشكر لله ثم الأخ . (أبو لمى) , مادري إذاكان الأسم صحيح
رايت منظر الشهامه حيث غامر بنفسه ودخل الكليه وحاول إطفاء الحريق قبل وصول
الدفاع المدني
ثم بعد ذلك أحضر لنا مجموعه من العبايات أحضرها من داخل الكليه لنا في المسجد
بينما البعض واقف يصور الطالبات وهن في هذا الموقف خرجوا من حصصهم ومن
مدارسهم المجاوره
من أجل التصوير لا من أجل المساعده حسبي الله ونعم الوكيل على كل من صور
الطالبات الله لايسامحه
الحمدَ لله على كلَ شيَ
نتمنى للجميعَ السلامهَ وانَ يشفيَ كل مصآبَ
المفروَضَ يكرمنَّ هوْؤلآ المصآبآت
بمقدآر 100 الف لكلَ طالبهَ
بلآ انبسطو توسطتَ لكمَ
شرهآإنَ
الحمدلله على سلامتك يا امنة
والحمدلله علىسلامتك يا استاذة ابتهال
قايلة لك يا امنة خلي هالكلية وتعالي ادرسي عندنا احسنلك
شكرا لرجال الدفاع المدني
اما الذين يمنعون الصحافة نقول هناك وللاسف الشديد من يصور بكمرات الجوال وبعد ذلك كل يغني على ليللاه .......
اجعل الصحافة تضهر الحقيقة احسن من مواقع الانتر نت التي تزيد في الوصف حسب ذمة الراوي يابلادي واصلي
أبو علي وش ذا الكلام الله يعينك على عمرك الاسعاف ترى ماينقل الا المصابات والا اش رايك ينتظرون محرم المصابه او الحاله الاسعافيه لحين وصول ولي الامر او ينتطرونك شكلك صاحب فزعه
يوم السبت الماضي كنت بطوارئ مستشفى الملك فهد التخصصي
المهم وصلت سيارة اسعاف تنقل طالبه من كلية التربيه في حالة اغماء
يعلم الله يا اخوان ذهلت مما رأت عيني
نزل سواق الاسعاف شاب في عمر الزهور
ولما فتح الباب لانزال المريضه لم يكن معها سوا شاب مسعف
من الهلال الاحمر !!!
هذي تعتبر خلوووه أين انت يا مدير الهلال الأحمر !! هل ترضاها لبنتك ؟؟
ليش لما نقلو البنت من كلية التربيه ماطلع معها احد الاداريات او المستخدمات
ياناس اتقو الله كلكم راع وكل راعي مسئول عن رعيته
البنت امانه في عنقكم حتى ترجع لبيتها
وكلمة حق اذكرها عندما فتح السواق الباب قال لصاحبه غط وجهها بالعباه
الناس اجناس فيهم النظيف وفيهم القذر
فيهم من يعرف كلمة امانه بالعنق وفيهم من ينتهز الفرص
أرجو من المسئولين النظر لهذه النقطه وعدم ارسال اي حاله الا بوجود
محرم حتى لو كان بوجود ممرضه في حالة نقل الفتيات
البنات من سمعن صفارة الانذار صابهن هلع وحاولن يخرجن من المبنى بأي طريقه مع انه مافي حريق يوم انهن يطلعن ماخلن فرصه للمسؤلات عشان يخلونهم بالمصلى الخارجي خلف المبنى ومعزول عن المبنى ويكفي الطالبات كلهن .
يااخ ابوعلى وش تحس بة هذا سؤال تسالة في مثل هالمواقف لوبيحترون محرمهن كان ماتن ارجوا تكبر عقلك واحسنوا النية يارجال القصيم
السلام عليكم ورحمة الله ...
آناا من طالبات التنقيه ومن الأ حالات الي اغمى عليهاا ومع آختي وحده من طالبات الكليه فعلاا لا العميده والا المدربات سوو شى وربي هييي وحده من الأستاذاات الله يخليهاا لأهلها ويحميها يااااااارب ..وقفت معناا لدرجة انوو تبكي وهيي تطلعنا من الكليه وغير كذاا وربي حتى عبايتهاا قالت البسيهاا فعلاااا هيي الي تستحق الشكر وماانسى فضل الدفاع المدني ورجال الامن والهيئه واهل الخيييييير ...بعد الله لكن الحمدالله ع كل الحال والحمدالله ع سلأمتنااا ابشركم كلناا بخييير وبعد مااطلعت من المستشى رجعت اطمن مااالقيت احد من البناات الله يحفضهم ويستر علينا وعلى المسلمين اجمعييين ...
بس من جد العميييييييده والمدربااااااات مو قد المسؤؤاليه لدرجة انو يلبسن عبيااتهن واحنا نطالع مااقالن البسن او اطلعن برااا لكن الله يحفضناا من كل سوء...
مشكور اخووووي والله يعطيك العاافييييه
أبو علي الله يشفيك ويجبر بخاطر أهلك على أفكارك الوسخه
أستح على وجهك الناس بحالة طوارئ وأنت تفكر بهالتفكير
ما أقول الا الله يهديك
كانك أنت وامثالك في هالبلد اللي تثيروون الافكار الفاسده
الله لا يكثركم
يا أخي شر البلية مايضحك
الدوريات تمنع الاعلاميين ؟؟ يأخي تمنعهم من تصوير الطالبات .. وهل هذا السبب مقنع لك .. لا أعلم بس أتمنى أن تفكر ياأخي قبل الحكم .
الحمدالله على سلامتنا
والشكر لجهود العميده والطاقم الاداري
قاموا بعمليه الاخلاء قبل وصول الدفاع المدني
السلام عليكم
ياأخواتي انا ماصدقت مشهد اليوم لما سمعت الجرس وخروجنا برا انا بصراحه مدري وش الي حصل الا الدخان وتفاجأت لما طلعنا بالشارع مع الجهه الشماليه
والتزاحم نطلع برا اشوف بعض صديقاتي ماعليهن لبس وكل وحده تغطي الثانيه
واشوف سياره الدفاع المدني توقف وينزلون ويقولون خلاص مافي شي لكن اجلسن
داخل المسجد احسن من وقوفكن بالشارع ونبلش بالي يصورون من خلف المسجد
ومادري ليش طلعنا برا لو جالسين بالحوش احسن لنا لكن الله يهدي الجميع
وعسالله يوفق الجميع
الحمد لله على سلامة بناتنا والله لايورينا فيهم مكروه
حبيت اعلق على نقطة يمنع الاعلام من التصوير ونقل الحادثه ولايمنع الشباب اللي وقفو يصورون .....حسبي الله ونعم الوكيل وش مستفيدين هذي عورات مسلمين لو كانو خواتهم او بناتهم او زو جاتهم رضو ا.
وشكر للشباب اللي كانو يعطون البنات شمغهم عشان يسترونهم سترهم الله في الدنيا والاخره .
سؤال بوعلي ؟؟؟
وش تحس بوه بذا السؤال
ياخي حرااااااام عليك البنات مصابات والاسعاف ينقذها يعني والله مو وقت كلامك
المره الجايه اذا فيه حريق عندنا جاز له الوضع
بنعطيك خبر لازوم تكون المحرم لنا مافيه ثقه برجال الاسعاف كملت
الحمد لله على سلامتنا
بس أهم شي اني ماخذت محاظرتي الاخيره كاني سمعت بها امتحانمن ايجابيات الحريق
اللي يقول عن سيارة الاسعاف ومن راح مع الطالبات
راحت معهم الوكيله وموظفات ثانيات
بسم الله الرحمن الرحيم
ألللللللللللللف الحمد لله ع سلامتكم صحباتي .....
أنا ما دريت عن الحريق ألا العصر بعد ما رحت وحصلت الكلية مقفله فخبروني أنه ما فيه دوام ,,,,,,,, فالحمد لله على كل حال ,,,,
الله يرضى عليكم اللي عنده خبر تخبرنا بكرا فيه دوام أو لا مسائي.... لأننا نجي من ديره بعيده ونعني ونحصلها مقفله فاللي عنده خبر تفيدنا الله يرضى عليها ؟؟؟؟؟؟؟
وأكرر تحمدي بالسلامه على أخواتي ,,,
أختكم أدرس مسائي
الحمدالله على السلامه يابنات والله ماغثن غير الاداريات مايدبرن شي ماغير يصارخن علينا على غير سنع والمشكله اخلونا من المكان الآمن ودونا لمكان قريب من الحريق والي بلغ الدفاع المدني طالبه بالتقنيه الاداريات ماسون شي
أول شيء:- نحمد لله على سلمت طالبات المعهد
وثانياً:- والله كثرة الحرائق بكليات ومعاهد ومدارس البنات هذا الشيء يدعو للاستغراب !!! لماذا هذه الحرائق المتكررة هل هذا ناتج عن إهمال أو عدم صيانة للأجهزة الكهربائية. هذا جائز ...أم حريق متعمد ؟؟؟؟ هنا هو السؤال ...
السلام
كلعاده سووووووووووووووووووووووووتصرف
ليه مافيه احد دبره
تررررررركي أنا معاك
يا أيه المصور لماذا تصور الفتيات وهن في هذه الحالة
((((حتى لو كنت تنقل الخبر ))))
السلام عليكم ..
ابو علي وبعد تركي وبعد اي واحد يقول نفس الكلام ,, ودي ادري وش تحسون به
على كلامكم هذا ..
الحين المفروض تقولون يشكورن على جهودهم اللي يسوونها رجال الاسعاف ,,
رايح تقول هذا مو محرمها وذا يقول ما معهم احد ..
هذي اسهما خدمه انسانيه وهذا واجبهم او لازم يحترون المحرم علشان يجي او اذا
دقوا على الاسعاف يقولون لهم معهن محرم او ماراح نجي .. نكبر عقولنا شوي عن
هالكلام اللي ما له لزمه ,,
وجزاء هم الله على المجهود اللي يسوونه وكل من يخدم هذا الوطن الغالي ..
قبل الحريق بيوم انطلق صفارات الانذار يعني كان الخلل قبله بيوم
بس ماطول واذا على حسن تصرف الاداريات ماعندك احد احسن وحده تتصرف هناك أ لطيفه الحربي من جد تستاهل وعلى فكره جميع المكيفات الي بالمعهد بالدور الثاني والثالث فيهن تسريب مويه يعني العن مثل ماقلت ماعندك احد صدق ادرايات ماعندهم ماعند جدتي وذي ناديه الي تحوس ماتشوف يمال الحول بس جيده لي تحفظ وجوه البنات حتى لو بالنقاب تعرفها مدام عيونك زرقاء اليمامه الله يصلحك شوفي المكيفات الي فوق العطلانه وبلغي
وبس
انطلق صفارات الانذار من يوم الاحد بس ما طول يعني الخلل كان قبله بيوم
ولاعالجو الخلل فتسبب بالي صار اليوم وهذا دليل بسؤ الاداره
واذا على الاداريات صراحه ماعندك احد وبذات ذي رحاب ماتعرف تصرف بالامور الحقيقيه عشان تصرف بحريق احين واكوس وحده بالاداريات لطيف الحربي
وللمعلوميه ولاحاطه اغلب المكيفات الي بدور الثاني والثالث في المكيف تسريب مويه مدري وش ينتظرون لحد الحين ولااقول شكل والله العالم يبونا نموت
والي يقول محرم ماتبتو الحين توفت بنت بسبت المحرم وتيمت بنتها عاد خافو الله اف عاد
الحمد لله على السلامه يااستاذه خلود العمر ويا استاذه شروق ويا استاذه عايشه ويا استاذه امل
الحمد لله على السلامه يااستاذه خلود العمر ويا استاذه شروق ويا استاذه عايشه ويا استاذه امل
الحمد لله على السلامه يااستاذه خلود العمر ويا استاذه شروق ويا استاذه عايشه ويا استاذه امل
اهم شي الحمدلله على سلامة خيتو جودي وصقيقتها
اي والله من غير جودي ولاشي
من ياكل عنها الاندومي مع المايونيز
الله يخليك لنا وللاندومي مع المايونيز
( ) ( ) ( ) ( ) ( ) ( ) ( ) ( ) ( ) ( ) ( ) ( ) ( ) ( ) ( ) ( ) ( )
الا تعلم يامن تشك وتطعن بشرف و امانة رجال هيئة الهلال الاحمر
بانهم يتعاملون مع الحالات وغيرها بئنها نفس لايفرقون بين رجل و لا امرئه
ولو ماكنو قد الامانه لمى بقيو بهاذا المكان
الا تعلم يا اخي بأنهم يبذلون جهدهم و فوق طاقاتهم لي انقذ ما قدمو اليه
الا تعلم لو توقفت هاذه الجهه لكان حال الاغلبيه عسير
ولو كنت مكان احد منهم لضاقت بك السبل نقص فادح و طول ساعات عمل
ومناظر مريبه وتطوع منهم لي ايصل من كان لديهم موعد في المشفى بمن تقطعت به السبل او من كان لهو اولاد غارقين في دنياهم .
هاؤلا ابطل وكثر الله من امثالهم.
وعلى اي اساس يطلب من رجال الاسعاف الانتظار الى محرم او غيره
ولو كانت الحاله حرجة تترك لي تموت الى ان يصل المحرم.
كفانا جهل كفانا تشدد
والا ننساء ابطال الدفاع المدني الذين يخاطرون في ارواحهم في سبيل
الانقاذ..
الشكر كل الشكر لك اخي خالد على ما تقوم به لي تغطيتك المباشر من قلب الاحداث
والشكر موصل لي عاجل
الاخ ابو علي اتق الله لو يصير على اهلك شي وانت خارج المنزل وخارج المنطقة
ولا احد اسعفهم ايش يكون ردك بارك الله بما يقوم به رجال الامن ورجال الحسبه
المفروض تقول الحمدالله على السلامه ولاكان فيه اي كارثه الحمدالله على سلامت
كل معلمه وطالبه
الحمدلله علىى سلامة المدربات ( أهم شيء )
يامتخلف المسألة ماعاد فيها محرم وخرابيط المسألة فيها موت
نشكر رجال الاسعاف الهلال احمرو الدفاع المدني كان في اي حاله ترنا جاهزين قولنا
الله يجزاكم خيير
مشاريع المؤسسه العامه للتدريب التقني بالمليارات
والتنفيذ اي كلام ... حسبي الله على من ليس لديه
ذمه او ضمير
ابو علي انا اقترح انك تروح تموت احسن لك ولا تتعب هالدميجه بالتفكير البايخ صدز فاضي !!
الحمدلله على سلامتنا...
والحمدلله على سلامة الطالبات المنقولات بالمستشفى..
وأنا وصلني خبر أن وحده بالعناية ماادري بالضبط وش اصابتها الله يعافيه يارب..
أنا اجزم أن الحريق مايستاهل لدرجة أنهم يطلعون البنات بدون عبايات وخصوصن ان ساحة المعهد كبيره وفيه مصلى منعزل كان بأمكانهم يجمعون البنات هناك وين مانروح نلاقي رجال قدامنا ماندري وين نروح حاولنا أنا وحده نروح نجيب عبياتنا بس للأسف الأستاذات رفضوا رغم ان مكان الحريق بعيد عن مكان العبايات..
ولي عتب بسيييط على الأداريات كل وحده كانت تطلع ومعها عبايتها ليش ماقالو لنا روحن جيبن عبياتكن استعدن بس الله يوفقن بعضهن متعاونات معنا..
أنا بصرآآحه وقفت بزاويه لدقايق وصرت ابكي مو من الخووف ولاشي بس تذكرت يوم القيامة الكل يصارخ ويصيح والكل يالله نفسي شي اكبر من أنه حريييق... الله يعيننا على هاليوم...
وش السالفه كل يوم حاله اغماء ؟؟؟؟
عندي رد على الي يردون على ابو علي وهو صادق في كلامه مو مسائله انغلاق ولا فكر متحجر بس من المحرم ؟؟؟؟؟؟؟؟
صحيح في الضرورات تباح المحضورات وعشان وما يصير فيه محضروات ليه ما يحطون داخل الكليه موظفات مختصات بالتمريض والاسعافات الاوليه ولا خايفين تتاثر الميزانيه بدال الي صاير بالمستشفيات من دعاااره
الحمد لله على سلامة الكل
ثااااني شي وش هالرجه اللي مسوينه منسوبات المعهد الله يفشلهن
المفروووض هدن الوضع مو اصرااخ عشان حريق بسيط
والله من قلة الدبره عندكن مايخلن اهبااالهن (؟)
الحين البنات ياااحول اللي جاهن اغماء اكيد من الخرعه
اللي سونه المدرباااااااات
الحمد لله ع السلامه يا ريم
فيه دراسه بكرى بالمعهد او لاااااااااااااااا
الحمدلله على سلامة البنات
وسلام للي يقولون محرم
بالله عليكم هذا وقتكم
بلا تحجر ديني متعصب على الفاضي
يعني الاسعاف شالو البنت يغازلونها
والا اللي يقول وين ولي امرها
نرجع للدوامه الاولى الله يخلف عليكم
خلاص بالاسعاف قبل ماتنقلون بنت كلمو على ابوها ولاتتحركون لحد مايجي
عاد اذا جا وهي حيه الحمدلله وان جا وهي ميته الله يرحمها
كذا مبداكم ؟
الحقيقة المنع ربما يكون في محله في بعض الأحيان
فتصوير بنات الناس وإن كن متحجبات مالفائدة منه ومالمقصود وهل يرضى أحد بتصوير أهله
فاتقوا الله ياعاجل
فتصويركم في غير محله حقيقة
ياخوان سؤال مهم هل هناك محرم مع الاسعاف ام لا كممرضة او طبيبة..
صراحة عندما ارى وجوه المسعفين احس ان ما وراهم دبره..
مره كان في حادث في الرياض على طريق سريع وعندما وصل الاسعاف نزل المسعف ومع ان المنظر للحادث مؤسف ومخيف الا انه يوزع الابتسامات وكانه في عرس
وتسبديه وش جاكن يابنات ديرتي
بسم الله عليكم احد داعي عليكن؟؟
الى متى الاستهتار بارواح الناس كل هذا فقر مايسوون صيانه للاجهزه ؟؟؟
او صح وشسموه لبنان احق منا مساكين هم اولى واقرب
حسبنا الله ونعم الوكيل
اذكر البنات والجميع بقراءة اذكار الصباح والمساء كل يوم ويستودعون ارواحهم للي مايضيع عباده
الله يحفظ الجميع.
الله لايوفق كل من صور بنات المسلمين
اللهم اجعلها في نحره
الله يجعله يشوفها بدنياه قبل آخرته
اللهم اسألك بصفاتك العليا وبأسمائك الحسنى انك ترينا فيه عجائب قدرتك
واجعله عبرة لكل من يعتبر
انك سميع مجيب
قولو آمين
حسبي الله على اللي يصورون بنات خلق الله ويستغلون الفرص
ياناس خلو الصحافة اللي قاعدين تمنعونهم
وشوفو اللي يصورون البنات قبل لبسهم لعباياتهم
الحمدلله على سلامة الجميع طالبات وموظفات ..
الحريق مو ذاااااااااك حده على هالفوضى اللي صارت لكن مافيه من يدبر ..
وانت ياللي تتحمدين لأستاذتك ابتهال .. أحب أقولك هي أول من هج من المعهد هي
ومن معها في نقلها
لكن اللي يتحمدلها بالسلامه استاذه :ندى العبد اللطيف هي ومن معها ماعرفتهم
هم اللي اثاروا الطالبات على أنفسهم لدرجة انها تغطيهم وهي ماعليها سواء شيله
فقط..
وياحياتي على الموظفات اللي داخل في التسجيل والقبول ماشفتهم طلعوا..
خاصه أسوي وأختها فوفو وصديقتهم ميو كان الله في عونهن جميعا
الحمد لله على سلامتنا وربي يحمي الطالبات المصابات
اما الشباب الي رايقين وقاعدين ماغير يصوروننا حسبي الله عليهم موب وقتكم ابد الصراحه ..
وكل الشكر لله ولحكومتنا الرشيده
الدفاع المدني هو /// جهاز يحفظ سلامة المواطن مهما كان ....
شكراً للدفاع المدني على جهوده بالرغم من التفاوت أحياناً بين المناطق حيث في بعض الأحيان يتأأأأأأأأأأأأأأأأأأأأأخر كثيرااااااااااااً .......
ولكن يا عااااااااااااااااااااااااااااااجل .... ليه تصوير الطالبات ::::: لييييييه ؟؟
يعني اذا كان من أجل التوثيق خلاص ( صورة للمبنى من الخارج) و صورة ( للجهاز المتسبب في الحريق والقاعة بعد خماد الحريق )...... ?????
ايش معنى تصوير الطالبات داخل الكلية ؟؟؟ ترووون فيه ناس تترصد ووتتشمت فينا ...
ليييييييييييييييييييه .............. خطأ يا عاجل ولكن ....... أي عمل لابد فيه من خطأ ...
نتمنى مسح صور النساء أعلاه ............. للحفاظ على سمعة وطننا ....
يا ابو علي جنط انت ولا تستجنط اجل خل البنات يموتن وقل نحتري المحرم يجي ههههههه ام الغباء اللي انت فيه ياخي عالم تمشي على قاز لا يصير تفكيرك سطحي الله يرضى عليك .
والحمد لله على سلامت بناتنا .
كل الشكر للأستاذه خلود العمر
بصراحه انسانه متفانية وكانت توجه الطالبات بكل هدوء
مع انه بصراحه ماكان الوضع يستدعي كل هاللغاط
مكيف بالمكتبه وإحترق
طيب الحمد لله
بإمكان لابنات التحرك بكل هدوء والتوجه للساحه الخلفيه واللي ماكملت ساندوتشتها تكملها على راحتها
بس مشكلتنا بهالمطافيق
وللعلم ان اكثر الحالات اللي راحت للمستشفى اخذوها من المسجد
وركزو بالصور
يعني خووف فقط
ويمكن نقول دلع
* الكلام هذا نقلاً من قريبتي من موقع الحدث حيث انها تدرس بالكليه
الحمد لله على سلااااااااامة أخوااااااتنا
الله الله عى هالزين يحفظهن ربي
الا مآودهن يعرسن ليه متى يدرسن
الف شكر لجريدة عاجل على التغطية
والف الحمدلله على سلامت خواتنا وبناتنا
والف شكر لرجال الدفاع المدني
وكل من ساهم في الحركة وتهديت الوضع
والحريق ولله الحمد بسيط بمكن معلمه أو طالبة أطفاءة عن طريق الطفيات اليدوية
ولكن لايوجد تدريب على ذلك وممكن لايوجد طفيات
ونرجو من الدفاع المدني ألزام الاحتيطات الظرورية في جميع المدارس وتدريب عليها
وتقبلو تحيتي
عادي جدا اللي حدث
كهرباء وصار فيه التماس حتى بيوتكم يحدث فيه هذا طبيعي جدا
اللي مو طبيعي حالة الإغماء هذه كل شوي طالعين لنا حالة إغماء
بالفتيات لوتطلع عليهم قطه قالوا حالة إغماء تراكم بالغتو شوي
كهرب صعق الباب مفتوح خرجو قبل الدخان .....
ايهم أسرع خروج الفتيات أم أنتشار الدخان
من وين تجي حالة إغماء هذه
ياما حدث صعق كهرباء أيام دراستنا قديم وعادي جداجدا جدا
نخرج من الفصل يتم إطفاء المكيف نرجع نكمل الدراسه.
هالحين صار فيه مبالغات وتحديات بين المسؤولين والصحفيين
وعصبيات قبلية وكل يبحث عن سقطات الآخر حتى يزاح من منصبه
ياناس تركدوا قبل الحكم ترى الموضوع فيه مبالغات ونوايا خبيثه
ترى بناتنا مدلعات سبعين حبه
بعض البنات وهي بكامل صحتها تقول لها سلامات تقعد تبكي دلع بنات
غريبه منين مطلع قراره مدير الدوريات الامنية من اوراق الارشيف المتهالك
مايدري وش الي صاير ومايدري اننا بعهد الملك عبدالله حفظة الله عهد الشفافية والوضوح والإنفتاح
ان كان مايدري علموه
الحمدلله على سلامة الجميع والله يشفي جميع المصابين ومنهم ابو علي قولو آمين
الله لايهدي كل من صور البنات لو الله ثم رجال الدوريات الامنيه لاصارت فوضى بالتصوير وارفع شكري واحترامي لمدير الدوريات يحيى علي الهباش الذي منع التصوير وكذلك اعجبني ملازم من الدوريات بنفس الموقع سهل الحركه للطالبات مع اولياء امورهم وكذلك رجال الهئيه
الحمد لله على سلامة الجميع والحمد لله على خروج حبوبتي بدري من الكلية والحمد لله أن أختي ماراحت بنفس اليوم
حتى بالانقاذ تبون محرم يااباء الارهابيين
قاتل الله الجهل
الله يستر على من سترتني انا وصاحباتي دنيا وآخره
وهم : وجدان القحطاني وصاحبتها مريم
((لدرجة انهم هدوا الوضع عند بعض الطالبات))وهذا أهم شي
وغطونا بعباياتهم لما شافونا من دون غطاء ونقلونا لبيت أم ماريه
جزاكم الله خير الجزاء لو كنت مكان الإداريات كان كرمتكن ..
مشكورات على الوقفه الرائعه..
نصيحة يابو على اذا فية اى خبر يخص الحريم وتسوى نفسك ضايق صدرك على محرمهن رجا لا لا لا لا لا تدعس خشك بالخبر // قسم قهرتنى //
الحمد لله على السلامة
ماراحت هذاك اليوم بس يوم الاحد اخر محاظره سمعنا صوت اجراس الانذار المفروض انتبهوو للهشي ؟!
والحمدالله ع سلامة الموظفات وخصواص لطيفه الحربي الله يجزاها خير الكل اشد بما فعلته والحمدالله ع سلامة كل المدربات وخصوا مدربات دعم فنيب وه ياحبني لهم عسى الله يحفظهن من كل شي وكذلك مدربات المحاسبه والحمدالله ع سلامة جميع اخواتي الطالبااات ربي ستر
مساء الخيراااات
تعرفون ليه صار الحريق هاذي حوبتنا يابنات مستوى رابع مسائي لأنهم أجبرونا نحول صباحي غصب عننا
ويوم الحريق كان أول يوم دوام لنا بالصباحي
لكن ماأقول إلا حسبي الله على الظلام ((اقصد اللي حولونا غصب))
والحمد لله على سلامة الجميع
والله أمر غريب يآعآجل هآلحين يمنع الصحآفه من تصوير بنآت المسلمين تقولون
أمر غريب وكآدت أن تختفي الله يستر عليهن بس ويحفظهن من كل سووء يعني وش الفآيده من تصويرهن لنشر الخبر ؟؟
الله يحفظك يآابو علي الهبآش من كل سوؤ والله يكثر من أمثآلك
والحمدالله على السلآمه لبنآتنآ ..
سبب تخلفنا يتمثل في رد المدعو أبوعلي الله مير يرحم حالنا وحالك
أقول الحمد لله على سلامه العوبا الكبيره أم خدود و العوبا الصغيره وام عدسه ( )
اوووووه الحمدلله علي سلامه الجني بعد الي بالدور الثالث