مديرة مدرسة تتمسك بجلد طالبة 90 جلدة أمام المعلمات

أكدت مديرة المدرسة المتوسطة الثانية في الجبيل والتي قضت المحكمة لصالحها بجلد طالبة أهانتها 90 جلدة وسجنها شهرين أن خروج المشكلة للمحكمة يخصها كمواطنة وليس كمديرة مدرسة نظراً لتلقيها تهديدا ووعيدا بالقتل من الطالبة البالغة من العمر 19 عاماً أمام مسمع ومرأى المشرفات ورئيسة التوجيه والإرشاد، وأكدت بحسب صحيفة اليوم المحليةأن المشكلة التعليمية قد تمت معالجتها عن طريق الادارة واما خروجها للمحكمة فهو حفاظاً على نفسها كمواطنة من كافة التهديدات التي تلقتها، ورفضت المديرة التنازل عن حقها وبشدة لتكون الطالبة عبرة لغيرها ممن تسول لهم أنفسهم بارتكاب المشاكل والخلافات داخل أسوار المدارس وتمنت تنفيذ الحكم داخل أسوار المدرسة أمام زميلاتها وأمام الكادر التعليمي حفظا لحقها وحفظاً لكرامة المكان التعليمي والعاملين به. وبينت ان قاضي المحكمة قد خيرها بتنفيذ الحكم إما ان يكون هي التي تنفذ حكم الجلد او إحدى قريباتها او من ينوب عنها إلا انها رفضت طلب القاضي وقالت هذا موكل للقضاة وما يرونه يناسب تنفيذ الحكم.
يذكر ان ادارة التربية والتعليم بنات قد سمحت للطالبة بالعودة مرة أخرى للدراسة بعد فصلها كطالبة منازل في مدرسة اخرى لهذا العام حتى تكون مؤهلة للتعليم المنتظم الا ان الطالبة رفضت وطلبت ان تكون طالبة منتظمة.
نعم هذا حفها وايدة بقوة اصبح التعليم عندنا مالة قيمة
والمعلم مالة هيبة مثل زمان والطلاب يحسبونها تالقوة
اقول للمديرة لا لا لا تتنازلى ولو تدخلت هيئة الامم
وليس فقط حقوق الانسان فاين هى عندما قامت الطالبة
بالتهديد والوعيد ايش البلد مافيها قانون بس يحسبوها
واسطة وحب خشوم
تدرون ليش التعليم عندنا مايتقدم ....................
لأن جميع من يخطط للتعليم في المملكة لم يمارس مهنة التعليم ولا يعرف المشاكل التعليمية والعقبات التي امام المعلمين والمعلمات هذا بكل صراحه ناهيك عن بعض موظفي الوزارة والادارات التعليمية في المملكة الذي لا يفقهون معنى التعليم بلأساس
( فهل من المعقول ان يدرب النتخب ظابط شرطه )
بنات آخر زمن مايستحون ولا يحترمون احد
بعدين عمرها 19 وتدرس في المتوسطة هذي خطر على البنات
المفروض تحول منازل
بناااات أخر زمن
أستغفر الله
كفوووووووووو والله يالمديره
ياليتك تشوفين ردي
بالاول قالوا 13 والحين 19
والا 19 وحده ثانيه !!!
تمسكي بالجلد ولا تتنازلين
لو جايك نزيف في المخ والا ارتجاج ماراح ينفعونك لاحقوق هالانسان ولا اطباء النفسيين اللي ماعالجوا نفسهم قبل...
قال ايش قال يأثر على نفسية الطالبه
اقوول روحوا بس الحرمه بغت تموت وانتم بالنفسيه
البنت اصلا منتهيه اخلاقها
ولو كانت متربيه مارفعت صوتها على المديره قدام طاقم الاداره
تمسكي بقرارك والله يوفقك ويرتاح قلبك
شين وقواية عين لها وجه هالطالبه ترفض انها تكون منازل
هذا دليل ان ماعندنا تربيه
ووزارة التربيه والتعليم اسم على غير مسمى ..
ماعرفت تحل المشكله داخل اسوارها ..
وبينت ان قاضي المحكمة قد خيرها بتنفيذ الحكم إما ان يكون هي التي تنفذ حكم الجلد او إحدى قريباتها او من ينوب عنها إلا انها رفضت طلب القاضي وقالت هذا موكل للقضاة وما يرونه يناسب تنفيذ الحكم
اشك في ذالك ................
وان كان كذالك فهذا حكم تعسفى فيه وساطه والغرض منه الاذلال
وعلى ما اعتقد انه لايجوز او انكى لم تتفهمى ما نطق به فضيله القاضي
صدقني ان المديرة بنت رجال
ما بقى الا هي بنات الوقت هيبة المديرة وين راحت
هذا كله بسبب منع الضرب بالمدارس ما جانا بخير
انا ابي اتزوج من هالبنت... وتبشر بحقه والله لاخذه من المديره واجلد هالمديره جلد قدام الطالبات لاخلي البنت تبرد كبده ....بس تقبل بي زوجاً
تستاهل ..ولا 19 وش مخليها لين الحين في متوسط ..المفروض تفصل نهائي ..تكفى ياللي بتنفذ الجلد كسر راسها علشان تصير عبره لبنات هالوقت اللي ما صاروا يخافون من احد..الله يرحم ايامنا يوم كنا ما نرفع روسنا من الخوف..
الا هي وش مسويه بالمديره ..؟؟؟
الاساس في المشكلة ضياع هيبة المعلم
والسبب الوزارة بقراراتها التعسفية ضد المعلم
حتى اننا صرنا نسمع استخفاف ابنائنا بمعلميهم عندنا بالبيوت .
راعوا نفسية الطلاب بس في نفس الوقت عطوا المعلم صلاحيات ترفع قدره وهيبته
عمره 19 يعني عجوز على القسم المتوسط
التدريس صار مهازل الان المعلمه تشرح والطالبات يطقن ويرقصن وراهواتحدى المعلمه تقول شى ولو تقول شى لاحدى الطالبات جاه التوجيه واداره التعليم ووبخوا المعلمه وهذا الى صاير والله على ما اقول شهيد فاين حق المعلمه والمعلم (كاد المعلم ان يكون رسولا)
(((وتمنت تنفيذ الحكم داخل أسوار المدرسة أمام زميلاتها ))))
جلد الطالبة 90جلدة أمام الطالبات وسجنها شهرين وعمرها 19 وتشويه سمعتها
وتحطيم حياتها ومستقبلها لمجرد أنها أهانت المديرة وهددتها بالقتل !!!!!!!!!!!!
والله إنهم بهذا الحكم ليقتلون الطالبة في كل لحظة من لحظات حياتها وأنهم قتلوها
نفسيا ومعنويا وهذا أشد من القتل الجسدي
أستحلفكم بالله أهذه عقلية انسان متعلم ومسؤول وتربوي ومسلم ومديرة و قاضي
هل وصل بنا الحال إلى أن نحيا حياة الغاب وحياة الصحراء القاحلة
فأين وزارة التربية والتعليم ؟
وأين العلم والشهادات ؟
وأين ا لتربويون ؟
وأين يا لعقلاء ؟
وأين يالمصلحون ؟
وأين الكتاب المثقفون ؟
وأين حقوق الإنسان ؟
وأين أنتم من الله ؟
قال تعالى (والكاظمين الغيظ والعافين عن الناس)
إنا لله وإنا إليه راجعون
أقدت والله ...
إذا ماعندها أهل يربونها .. خلها تربى
بنات آخر زمن
وهذي وين تبي
و19 وبالمتوسطة ما صارت
لو تجلد مفرقة على عدد الأسبوع افضل
يعني كل يوم تجي للمدرسة وتاخذ 18 جلدة وتوكل
حتى تكون عبرة لغيرها
في اي قضاء يوكل الجلد للخصم
وبعدين التعزير بتسعين جلدة اكثر من حد السكر
والا الدعوه تعاطف عشان هذي مديرة وهذي طالبة
كل الناس سواسية في الاحكام الشرعية والقضاء
والله لو انها انتخت بواحد فيكم كان اكل كل الجلدات عنها
ياوووووووووولدي\"دنيا فرندقس تخلي الفول عدس\"
إما ان يكون هي التي تنفذ حكم الجلد او إحدى قريباتها او من ينوب عنها ???
طيب ماينفع انا النفذ الحكم
وين احترام الكبيره ....
وين احترام المعلمه .....
وين حقوق المعلمة .........
اذكر مرة تلفظ طالب على معلم بألفاظ غير لائقة
وجاء والده من الغد بعد ماسمع بالخبر من الوكيل ودخل المدرسة ومعه ولده ورابط يديه وقال
بوس راس الاستاذ وفعل ذلك
قال انا والدك في البيت وهنا في المدرسة المعلم والدك
وفك قيده
هنا التربية وتعويد الابناء على الاخلاق الحسنة والاحترام والتقدير
لابد من تطبيق العقوبة على الطالب و تحويلها للدراسة بنظام المنازل
و الله بنت رجال هالمديرة ، و أسفي على وزارتها اللي تخلي هالبنت و أشكالها من البنات و الأولاد يدرسون في مدارسها .
بصراحة مخرجات التعليم عندنا أكثرهم عرابجة و منحطين أخلاقيا ، و ذلك بسبب تربية الأسرة و قرارات الوزارة التي جعلت المعلم و المدرسة ليس لها هيبة ، فتجرأ السفلة من الطلاب عليهم .
بدون عقاب رادع تعليمنا إلى الحضيض .
(؟) (؟) (؟) (؟) (؟)
اقول والله لوانها ايش المديره هذي البنت تعجببببني لواني عندها حبيتها مع راسها البنت عادي تكمل دراستها وما فيها شي
اقسم بالله العلي العظيم ان المديره جاهله ولا تصلح حتى ان تكون فراشه لان هذا ليس اسلوب تربوي وسجنها سوف يزيد الطين بله وحرام على القاضي الذي حكم عليها وكان يجب ان يهدء الجميع وان يكون فى الفتنه كبن البون لا ظهر فيركب ولاضرع فيحلب وهنا لا القاض والمديره اهل الى المناصب التي اوكلوا بهاحرام عليكما هذه صغيره ويجب الرحمه بهابدل ضربها وسجنها يا بلهاء
يللي زعلان من ها الحكم تعال افتح دماغك بكاسة وقدام الناس وكمان اهددك بالقتل واشوف تتنازل والا لا
لا والله سلامات يامديره
ليتني اخو المديرة او زوجها او اقربلها , والله والله والله لاخلي سمعتها هالبنت واصل اخر العالم .
على بالكم المديرة ما وراها اهل واخوان وزوج .
ههههههههههههههههههههههههههههههههههههههههههههههههههههههههه
صدقني ما تلفظت عليها الا ان المديره مرمه وشايفه نفسها على الفاضي ،، والله يا مدرسات الأيام هذي ما في روسهم بس مكياج وملابس وتسريحات تقول داخله عرض ازياء وكله امام طالبات في سن 6 و 7 سنوات يعني ما ني عارف ليش هذا كله
حصف وسوء كيل
بالله عليكم إقرؤا وتمعنوا جيدا في السطرين الأخيرين من المقال او الخبر
واعلموا يقال انها صومالية
عمرها الان 21عاما
ترفض الدراسة وتصر ان تكون منتظة
إذا وراء الأكمة ما وراءها
ي اي حدث يكون المعلم او المعلمة طرف فيه
دائما يكون المخطي هو الطالب او الطرف الاحر
وايضا عندما يكون هناك خطأ طبي فان اللوم دائما على المريض والمواطن
حتى في احداث جدة كان المواطن هو المخطئ الاول والاخير
ياناس درسنا في المدارس والجامعات ولم نرى مثل هذه المهازل ليش
لان فيه مدرسين اكفاء ويعرفون ماهو دورهم وما هي وظيفتهم وماهي الرسالة التي يحملونها
للاسف جيل هالوقت من المدرسين والمدرسات ماهم الا موظفين حالهم حال اي موظف
مدرس ابني يقول ماهمتني لا مادتكم ولا تدريسكم ولا المدرسة ولاهمني من ينجح او يرسب همي هو يوم خمسه وعشرين (يعني الراتب)
هذا مدرس يقوله لاول متوسط
مدرسة تقول لطالباتها لو تجيني طالبة بكرة كسرت رجولها يعني لا تدرسون
لا والقاضي يقول تبين تجلدينها انتي او احد اقاربك
على كيف ابوه هو
فيه خير خله يداوم زي الناس ويخلص قضايا خلق اللاه اللي غبرت في درجه
والكل طاير بالعجة
رئيس بلدية في الشمال ظلم واحد مسكين منتف ما عنده واسطه ولم يجد حيله هذا المسكين الا بضرب رئيس البلدية
قامت الدنيا ولم تجلس حنا في غابة هذي همجية ومن هالحكي
وينكم يوم طلم هالمسكين
بتقولون لي ليش ما اخذ حقة بالنظام او المحاكم
سلملي على النظام والمحاكم
ماصارت مدرسه صارت جلد لحول ولا قوة الا بالله الله يهديهم
اللي اعرفه ان هذي الطالبه من الصومال الجنسيه سعوديه
وش اللي يسجنونها شهرين ويجلدونها؟؟
هذي مهما كان بنت وضعيفه ويمكن ان هالمديره
رافعتن ضغطها وقالت ابي افشلها قدام المدرسات
الله اكبر وقفت على هالبنيه المسيكينه يجون
مدارس العيال ويشوفون المذابح مو الكلام بس
وعاادي بس حراام عليهم كل هالحكم على بنية
فكرو بعقولكم لاتغركم المظاهر
بكل صراحة حقها وماجاها وتستاهل اكثر
واللي يستغرب كيف طالبه بعمر 19 عام تدرس مع طالبات ليس باعمارها هذي خطر على الطالبات ياوزارة التربية والتعليم
السلام عليكم ورحمة الله وبركاته
صراحه المديره غلطانه معقول ماكانت تقدر تحل الموظوع في المدرسة اجل ليش مديره وين الاخلاق والتسامح
وبعدين الحكم صراحه جاير كيف تنسجن بنت ومستقبلها والجلد تعدى حد الزنا
وبن التسامح
والعفو عند المقدره يامديره كم اجره عند الله عز وجل
ولا واسطاتك قوية على البنت الضعيفه وكبرتي المسئلة مع انك يامديرة تقدري تحليها بس حابه تظلمي وتفتري
مدرسات اخر زمن مايعرفو يربو ولا يدرسو والخافي اعظم
والله المستعان