أقيم هذا الرديح في أملج ليلة الجمعة 23 / 8 / 1408 ه، وحضره من الشعراء من جده بنيه ورفاقه يقابلهم عايدالقريشي ورفاقه من ينبع وحامد الصيدلاني من أملج
( لحن ليحان )
جده اكتب لنا في سجل أملج = حضورنا واكتب شهوده سلام مثل الرعد لا لج = لا هلّ وبله مع رعوده
ينبع حامد يقلك هلا من فج = حسب اجتهاده ومجهوده وآنا على ما سمعت أحتج = ما ليّ وارد في موروده
جدة حسب القوانين والمنهج = الطيب واستكمل بنوده راعيه عن موقفه ما سج = ماسك نظامه مع حدوده
ينبع راع الوفا للوفا مدرج = وكلا بعهده ومعهوده واللي لنا ما عنه مخرج = نخشى من الناس منقوده
جدة آنا فموقف حزين وحرج = والقلب يا ما أكثر لهوده عامين فاتت وهذا الحج = وللآن ما نال مقصوده
ينبع ما ينفع المبتلين الهرج = والويل ما زال في صعوده وإنت الذي للخضوع أحوج = لو حاجك الأمر لسجوده
جدة من كثر الأسباب محنج حنج = وآنا أتحرى في مردوده سجّان قلبي عنه ما افرج = اللي تحداه بوعوده
ينبع ما دام حطك بسودة عج = ويتابع خطاك لنفوده تبقى على القايمه مدرج = رهين سجنه وفي قيوده
وانكسر اللحن
( لحن زمانين )
ينبع لا خيّم الليل وسكونه = والنوم داعب خلي البال آنا ونومي ومضمونه = يطلع علينا الفجر في جدال
جدة قدام ما ندرس شؤونه = نعرف عنه مصدر الإشكال وكلا مكلف بمكنونه = حتى ولو كان ليله طال
ينبع عادات من نامت عيونه = تصير عنده سعه وإهمال يحكي ويهرج على هونه = وأهل السهر دمعهم همال
جدة كيف أتأكد من شجونه = وإنت في حالك وأنا لي حال أهل الحكم كيف يمضونه = يصدر بلا مناقشه وسؤال
ينبع لك حق في اللي تقولونه = مرتاح بالك وحالك عال يمونك النوم وتمونه = ما إنت معي في عذاب بلال
جدة تبقى معانيك مرهونه = حتى يحل العقد حلال ما أحط حزني مع حزونه = وأصير في مجامله ميال
ينبع أهل السهر ليش يشكونه = ما دام فيه العلاج محال وتحامي الناس من دونه = واللي ابتلى به عنه ما تسال
جدة سر السهر ليه تخفونه = لما تحيل بك المحتال كثير مثلك يعانونه = أجيال تحكي عنه لأجيال
ينبع ليل الصفا نفّح ردونه = وأقفى عن المبتلين أميال والكل منهم ذرف نونه = يبكي لأن السهر قتال
جدة مادام حرّف في قانونه = حنا عنه نضرب الأمثال أما رجاله يعدونه = والا خاطرنا عنه ما سال
ينبع واقلبي اللي من غبونه = يا أصحابنا صايبه زلزال كان المأمل ترسونه = حتى ولو كان بالآمال
جدة واجب عليكم تردونه = وتهيئونه على استقلال قدام لا تذبل غصونه = ويكون فيه المعالج فال ومن كان له عهد ما يخونه = يحسب حساب العزول الغال والا فلا بقيت ديونه =ماسد منها ولا مثقال
وانكسر اللحن
( لحن مالك الروح )
جدة المرء يحسد على ماله = والا مقامه مع الأصحاب والا على ود ما ناله = مع الأسف عن عيونه غاب
ينبع كل الذي قال فأقواله = محسوب في حسبة الحساب غير الهوى فن يهياله = في عرفنا ما عليه حساب
جدة جانب وصلنا من إرساله = صاب الهدف والبعض ما صاب والوضع باقي على حاله = ما احد عنه في غيابه ناب
ينبع ما فيه غيره ولا بداله = لكن ما دام النفوس طياب اللي على الطيب يبقى له = والبعد ما يفرق الأحباب
جدة طاب المثل وانشرح باله = وخاطري من جنابك طاب ردود شافي ما يبغاله = كنك معي مشرف المرقاب
