قصيدة”يوم المملكة” للشاعرة ” دلال القحطاني”

صفوا صفوف بالعلم واعرضوا به
وبلا اله الا الله الخير بادي
••
اليوم يوم المملكة وافرحوا به
والحمد لله هالغلا في ازديادي
••
يا مَشرقٍ متميزٍ في دروبه
نهضتك بانت واحتفت به بلادي
••
قم عانق الغربيّ نوبه ونوبه
لجل انتباهى في وصول المرادي
••
الليل قمرا والدمع جر توبه
والصبح صبح مشمرات الزنادي
••
ذا موطني في رؤيته لبس ثوبه
وشماغ راسه عزةٍ وارتيادي
••
ومن الشمال الذاريات الرحوبه
ترسل سلامٍ يحمله كل شادي
••
للي تعانق غيمها ومحبوبه
ارض نصاها عاشقين البرادي
••
يانجد يانهر العطا والعذوبه
يا محزم الشايب على كل عادي
••
الشعب حولك والسلام ارتضوا به
يا حي شعبٍ يزهر بكل وادي
••
نبني وطن بالحب طوبه بطوبه
ما طاح بيتٍ ثابتٍ له عمادي
.
للشاعرة : دلال القحطاني