قصيدة للشاعر حسن بن حلوه

ولا أحدٍ حاسبٍ وقع المصايب
زمانك يختلك من دون موعد
تصبّحك العجايب والغرايب
عليك الله وأكبر يا رفيقٍ
بغيته محزمٍ لي في النوايب
أثاري حضرته يحتاج محزم
وأثاري محزمه رثٍ وعايب
رسمت آمال لكنها تلاشت
ودفنت الحلم من دون النصايب
تركته دون ما أثير الزوابع
ولابيّنت لي مخطي وصايب
ترى الكفو السنافي ما يمالي
لأنه ذايقٍ ضيق وكرايب
يعزّز ماقفه لو كان حظه
كسيرٍ بين طلاّب وطلايب
أنا طحت بعرب ماهي عريبة
رداها بيّن أصلاب وترايب
لذا قررت حكمٍ ما يبدّل
ولاني مخلفه لو صرت شايب
ردي السّاس لا تامن جنابه
لو إنه جايبٍ لو ايش جايب