يا كل اجودي لا تمشي الا مع الوافين ضعاف الروابع خلهم لا تخاويهم •••• ترى ما يخلي خاطرك يالسنافي زين يكن خوة اهل الدين يارب تحميهم •••• رجال على درب المراجل ونهج الدين صفات العلوم الطيبة كلها فيهم •••• ماهم يمدحو لاجيت وان رحت مغتابين مبادئ كريمة تحمي اللي مخاويهم •••• تجدهم مع المحتاج والعايل المسكين ولا يطلبون الرد من غير واليهم •••• كرام السجايا فيهم المدح ماهو شين ويا الله عسانا بس بالذكر نوفيهم •••• ذولا والله الناموس فالعسر والا اللين وهم للجمايل خالق الخلق مهديهم •••• وحنا بهذا الوقت للطيب محتاجين وبعض البشر صارت تخوف مغازيهم •••• وانا بانصحك لا تستمع هرجة الواشين ترى افعالهم للدرب لعودج تقديهم •••• هل الهمز واهل اللمز عالشر ملتمين ورى كل خطة تغضب الله تلاقيهم ••• لا تستصغر المحتاج واللي عليه الدين فلا تدري اش هو كان ياخوي ماضيهم •••• يا كم ناس معنا ما نراهم بنص العين ما ندري يكون الله علينا معليهم •••• وكم ناس نمدحهم نظن أنهم راقين لكن بان منهم ما يوضح خوافيهم ••• يكنوا لك اعظم حقد ما بين حين وحين ويعطوك عكس اللي من الطيب تعطيهم •••• اذا كنت تغليهم وتحسبهم الغالين وفجأة ندمت انك من القلب تغليهم •••• وما خفته ليام لك يالنبيه يبين لا ذولا نعيّبهم وذولا ما ازكيهم •••• لكن حسب ماستنتجت من رحلة ال٥٠ ناس نبتعد عنهم وناس نواليهم •••• الشاعر : محمد بن لقفص العمري
