“عيد ميلادي” قصيدة للشاعرة مداهيل

ياطول ليلً افكر فيك واحاتي..
وامنّي النفس في قربك واصبرها..
••••
واقول: بكره تزين وتضحك و اوقاتي..
واحزاني اللي مضت في صدري اقبرها..
••••
الحزن أثر على دمي و كرياتي..
وملامح الوجه حيل الحزن كبرها..
اجر آهآت صدري من معاناتي..
وادموع عيني عطيب الجرح يخبرها..
••••
أجرّ ونّه ب أثر ونّه و وناتي..
عدّى صداها الفضاء وشلون ادبرها..
••••
حتى الكواكب فزعها صوت آهآتي..
و الهم عكّر حياتي و حيل غبرها..
••••
والصبر عامل أساسي زاد لوعاتي..
ونفسي ماعاد اقدر اكسرها أو اجبرها..
••••
كسر العظم ينجبر لو طوّل سكاتي..
لكن كسر الخواطر ويش يجبرها..
••••
يا(عيد ميلادي) تكفى ارجوك لا تاتي..
افراحي ادري يا عيدي ماتسبرها..
••••
ضيعت روحي سبب حزني وضيقاتي..
وماعاد عندي عبارة حزن اعبرها..
••••
مداهيل