قصيدة للشاعرة احساس الصمت مهداة إلى زميلتها الأستاذة فاطمه الشهري جعلها الله من الصابرين. ياعين لاتبكين تكفين ياعين هذي حياة الناس وهذا مددها **** الصبر يا بنت الاجاويد لك زين عند المصايب نطلب الله رددها **** يالله عسى ربي لخلقه يعين ياقصةٍ تصعب على من سردها **** راح الحبيب اللي معه عشرة سنين عشرة عمر ماتنحصي في عددها **** مابين يامرحب و يا هلا ويا اهلين صرخة ألم في عيون منهو فقدها **** غدر الزمن وفراق منهو تحبين هذي هي الدنيا وهذ انكدها