قصيدة للشاعر سعود بن جمعان المطيري

‏يالعبد لاكثرت غرابيل دنياك
‏بالك تبيّح للاوادم كنينك
‏••••
‏اصبر برجوا الله على كل ماجاك
‏وسآله على بلوى زمانك يعينك
‏••••
‏صبرك على همك ولا فرحة اعداك
‏اللي على طول الدهر حاسدينك
‏••••
‏واياك ثم اياك واياك واياك
‏لاتبدي اسرارك على ناشدينك
‏••••
‏ترى الرسول بكتم الاسرار وصاك
‏وراعي المثل قال انتبه من خدينك
‏••••
‏الموجب ان سلاح الاصحاب فتاك
‏وليا عرفوا غايتك حطو كمينك
‏••••
‏ولاتشتكي للناس لو ّهم دناياك
‏ترا البشر مثلك ماهم نافعينك
‏••••
‏ومن لاشقى بك مانقل هم شكواك
‏حتيش لوانّه حدا والدينك
••••
‏يذكرك يوم وباقي الايام ينساك
‏لو غبت عنه سنين ماقال وينك
‏••••
‏اشتك اللي كوّن اعضاك وانشاك
‏رب الملام علام زينك وشينك
‏••••
‏اما حماك مدبّر الكون وانجاك
‏من المقدر ماتفكك يدينك
‏••••
‏واضرب على الكايد لياعمسة ارياك
‏ولالك عن المكتوب باعلى جبينك
‏••••
‏اما خسرت وزدت همك ببلواك
‏ولا كسبت الطايله في يمينك
‏••••
واعرف ترى المقسوم من عند مولاك
‏لازم لزوم انك تشوفه بعينك
‏••••
‏اما قعدت بحروته لين يلقاك
‏ولا قعد قدمك وجيته بحينك
‏••••
‏واعرف ترا قدرك قدر مابمخباك
‏ان كثر مالك كثروا مصحابينك
‏••••
‏وان قل مابيديك كلن تحداك
‏ولقيت كل المجتمع كارهينك
‏••••
‏اقرب قريب لك من الناس يشناك
‏ويصير قدم الناس من شامتينك
‏••••
‏ورفيقك اللي حزة الضيق يجفاك
‏اقطع حبال الوصل بينه وبينك
‏••••
‏حتى لادرات دواليب الافلاك
‏وشانت سنينه وانت زانت سنينك
‏••••
‏تفتك من شره ماعاد يتنصاك
‏ينخاك ولا بلازمه يستعينك
••••
سعود بن جمعان المطيري