من الراس للراس

اعرف ترى ما قسم لك ما به اشكال
يجيك لو كل العرب حاسدينك
والمال مثل الفي ّ لابد ينزال
مر ٍ عليك ومرة ٍ عن يمينك
والفرق في تفريق ربك بالاعمال
في ساعة ٍ تذهل بها والدينك
عبد الله بن سبيّل
**
الناس بلوى الناس بالحكي تظلم
وبعض الصغاير يجعلونه كباير
كم قالةٍ بالحكي قامت تعظمّ
كبرت ولو هي من صغار الصغاير
تلقح وعند ولادها ينثر الدم
ويلفحك من حامي هواها سعاير
محمد بن أحمد السديري
**
ما احد ٍ يقول لموفي الكيل غشاش
ولا احد ٍ يقول لفاقد العقل صاحي
وانا الذي من دوش الايام منداش
ابا استريح وخاطري ما استراحي
كيف استريح وعبرتي تحرق الجاش
والصبر ما باقي له الا جناحي
حبيب العازمي