مرثية في الشهيد فلاح الخزامين للشاعر زيد الظلافيع

يالله يالمطلوب تحسن عزانا في فلاح
حيث فُقده والله ماهو عليكم ياذويه
****
يفقده من يسهر الليل ويشيل السلاح
وفاقده حدّ الوطن بعد ماهو يحتميه
****
الشهيد اللي نهار الثلاثا في الصباح
ديرته من حبّها له بشووووق تحتفيه
****
وفي طريب بلحظة قدومه ازكى العطر فاح
وضم بين احظانه اول شهيد من بنيه
****
الكريم الشهم والخوّه تداوي الجراح
عاقلٍ منذ الطفوله ولا قالوا سفيه
****
فيالله انك تصبّر اللي على فرقاه ناح
فكم عيون كل ماغاب دايم تحتريه
****
حيث علمه غانم ومطلق وسر النجاح
طاعة المولى تعالى وبرّه والديه
****
والعوض بإخوانه اهل الوفا طيور الفلاح
يكملون بدربه اللي من اول سار فيه
****
فيالله انك ترحمه عد مارفرف جناح
يارحيم ياودود ماغيرك نرتجيه
****
والصلاه اختم بها عد ما البرّاق لاح
عالنبي صلى الله وسلم وبارك عليه
••••
الشاعر/ زيد بن وازع الجرابيع