قصيدة "خفوق العنا" للشاعرة عبير العتيبي

كيف استر الضيقه وأنا خاطري عمس=وفي داخلي هم وعذاب وغرابيل
من يوم سمعي فارقه دافي الهمس=ماغير أهل الدمع وأعاتب الليل
وجمر الوَله.. يحمس خفوق العنا حمس=أليا ذگرت مزوحنا والتعاليل
طمست ب غيابك ليال الفرح طمس=وغنّيت من حزني لفقدك..مواويل
قلبي من الطعنات مايحتمل لمس=لولا ضلوعي كان دمي كما السيل
مالي جدى غير أصفق الخمس بالخمس=وأرجي رجوعك فالليال المقابيل
يادنيتي حتى لوّ أنّك وراء الشمس=لأضفّ طيفك بالرموش المظاليل
كلّي أمل .. بكره يجي غير عن أمس=يمطر سحاب الوصل رشّه همال
لأجل الورود الذابله تنغمس غمس=وتنعم ليا أرواها الغلا وصل وتميل
ودام أن غيره ماله ب خافقي رمس=وغياب غيره عن خفوقي تساهيل
الشاعره عبير العتيبي