بعد المسافة

(وينك) ثلاث سنين والدمع همّال
(وينك) ثلاث سنين ما ازيد غيره
العمر ذابل والحنايا..والاحوال
ودقات نبضي من عناها..كسيره
أشتاق لك..حتى خفوقي مع البال
ويشتاق لك حيّ تخبّى في ديره
حتى الشوارع والمباني والاطلال
حتى العيون اللي كساها عبيره
الجرح ضامي والمسافة بالاميال
والصوت خافت والزوايا تثيره
ذكراك تبقى ساكنه مدّ.. الاجيال
وأبقى أنا وايّا الحزن نستجيره
الحلم يحكي قصة الود بامال
وصمت الأماني يانعات بحِيْرَه
شطّ المواني في غيابك..بلا حال
إلا المواجع من بلاها كثيره
سارة بنت محمد العتيق