"القديح" قصيدة للشاعر مضواح بن شتوي

ياهل القديح الله يجبر عزاكم=واللي حصل كله علينا مصيبه
قلوبنا وقلوبكم كم ويآ كم=رغم اختلافات المذاهب قريبه
مصيبةٍ حلت علينا معاكم=الشعب واحد والقيادة لبيبة
والفرس واوباما وداعش تراكم=تخطيطهم كلن عرفه ودري به
يبغون نيل المشكله من صلاكم=اقذر بشر وانجس نوايا كئيبة
لا تسمعون اهل الحكا من وراكم=اللي مقاصدهم ورانا مخيبه
الفرس لا تقرب وتمسك لحاكم=وجيهكم تكرم شبابِ وشيبه
وانتوا وحنّا شعب في ظل حاكم=سلمان بعد الله فخر معتزي به
في دولة فيها العدل والمحاكم=يرضى بها الطالب وترضي طليبه
والله يسعدكم ويسعد مساكم=ويسعد مناطق مملكتنا الحبيبه
مضواح بن شتوي