"الدين الحق" للشاعر سعيد آل فارع

بالشعر وعيون الشعر نفتح سبيل= يرسم قناعه تفتح أبواب القبول
يبيّن الإعجاز في نصّ الدليل= أشد من وقع المعارك والخيول
بين البدائل يعتبر ابلغ بديل= بعد الكتاب المنزل وقول الرسول
تبصر به عيون الفكر لنّه يزيل=غشاوة الحيرة وظلمات الذهول
في رفعة الإسلام لو شي(ن) قليل= نقنع به وننجي به أصحاب العقول
ياهل الديانات انظروا الوجه الجميل= مادام باقي قدمكم نقطة وصول
الزيف يبهت والأصل يبقى أصيل= إذا بنحسبها على حسب الأصول
محصولكم من قبل وش كان الحصيل= غير الضلاله والتشرد والنزول
من عانق الإسلام مايخلد ذليل= ياطا بلاد العز في عرضن وطول
من صافحه بايمان من قبل الرحيل= ينجى من النيران فاليوم المهول
دين(ن) كما شجرة رواها سلسبيل= شموخها يكسر تقاليد الذبول
باغصانها خضره مع أصوات الهديل= تملا الفيافي والمشارف والسهول
الكل يلقى تحتها ظل(ن) ظليل= من واهج أنفاس الزمن يعطي حلول
دين(ن) يناسب كل وقت وكل جيل= دين التسامح والعداله والشمول
كل العقائد لو تحاول تستطيل= عن منهج الإسلام لايمكن تطول
وكلن على نفسه قبل موته وكيل= مازال فالدنيا عن الزله عدول