"شبيت ضوي" للشاعر معيض بن دشن

ياماحلا البراق في عرض نوي=هلت ثعوله وافرحت كل عساس
لاجيت في روض(ن) وشبيت ضوي=وسويت في الرسلان مايقعد الراس
اقرب البن اليماني واسوي=وآقيس حمس البن في وسط محماس
وجريت صوت(ن) في البراري يدوي=في صيهد(ن) مافيه شبك(ن) وحراس
بعيد عن موجات بث المقوي=ما فيه وآتساب(ن) ولا نغمة اجراس
معا خوي لي ليا صار توي=محزم ظهر عساه ما يعرف الباس
هذاك مطلوبي وهذاك جوي=قبل الرحيل وقبل حباس الانفاس
اخير من اللي في المجالس مهوي=سوالفه من سمعها راح محتاس
إليا هرج جاب المطمه مضوي=ما خاف منقود(ن) ولا شرهة الناس
ماطيق مجلاسه واشوفه عدوي=لاصار ماللهرج مبدا ولا ساس