مرثية ثامر بن جمان رحمه الله تعالى

امنت بالله والمقادير فاللوح=واجب نسلم لأمر ربي ودينه
دنيا الفنا لو هي عمارات وصروح=ما احدٍ تهنا بالسكن والسكينه
هاض الفكر بإحساسنا ينثر البوح=ترجم حروفي والمشاعر حزينه
انفاسنا بآهاتنا تردف النوح=من زود جمر الصدر بيح كنينه
من العام قلبي ياهل الطيب مجروح=من فارق الأحباب وا شيب عينه
من يوم قفا ركبهم وابعد الشوح=اجاذب الونات واذكر سنينه
واليوم هذا علم الأحزان مشروح=في شاشة الجوال جات الغبينه
فرقا رفيق الطيب ولانس ومزوح=والخاطر الطيّب وعيناً ذهينه
ثامر عسى ذنبه من الرب مدموح=ويثبته فالقبر يشهد يقينه
والله يجنبنا لواء صاحب قروح=لو كان حرفي والمشاعر حزينه
الأحد 23-5-1433
الشاعر ناصر آل جمان