جنون بشوق

“هلا” ما أقولها لغيره وأنا قلبي مداهيله
“هلا” ترضي غروره/ غيرته والشك لا أنتابه
هو الوجه البشوش اللي ضحك لي وقمت أغني له
هو الصدر الحنون اللي لهمّي شرّع أبوابه
ثقل حمل الكتوف وقبل أجي يمًّه وأشكي له
لحقني بخطوةٍ تسبق خطى قلبٍ تهقوابه
جمع مني اليباس وكل جرحٍ قام يحكي له
غرف وأسقى مجاديب المشاعر دمعة أهدابه
دخيله لا نخيته أو سمع قلبي ينادي له
عيونه تختصر طول الفراق وتغفر غيابه
ودخيله لا تمادى بالغرور وجيت كلي له
معي حرفٍ رقى يكتب غلاه وطاحت أسرابه
“هلا” لو قلتها لغيره أبد ماهي “هلا” الليّ له
“هلا” لا قلتها كل الجنون بشوق هلاّبه