المجد لك يا وطن

مهما تمنوك والله ما ينالونك
يا موطني لا يهمك عندك رجالك
نعاهدك ما نشح بموتنا دونك
الموت سنة ونفخر به على رمالك
أقل واجب ندافع عنك ونصونك
أما حقوقك ترى أكبر من جبالك
لا لا يهمك ترى ما خابت ظنونك
نفديك بأرواحنا ونحقق آمالك
مهد الرسالة ومهبطها يسمونك
تعيش يا دارنا ونعيش بظلالك
نغليك والمسلمين هناك يغلونك
للمسلمين أشرقت شمسك ولاجيالك
صافحتنا بالوفا واهديتنا عونك
حتى العطايا ورثناها من افعالك
إن قالها الله ما نخذلك ونخونك
ونحقق الأمنيات إللي على بالك
تظل بقلوبنا ونظل بعيونك
المجد لك يا وطن والفخر لابطالك