طبت .. يا أغلى ملوك الأرض

ساعة على الشاشة ظهر خادم البيت
طاحت دموعي فرحة بالسلامه
ولا وعيت إلا وانا يوم فزيت
وأطوح بصوتي واطش العمامه
وأقول طبت وطاب فالك وحييت
يا أغلى ملوك الأرض عز وكرامه.
يوم السعد والبر.... يومك تشافيت
وعادت لنا مع طلتك الإبتسامه
ويوم السعد يومك بوجهك تجليت
بدر ضيا وجهك لطيبك علامه
فيا سيدي كم مرة قلت يا ليت
ان الدوا دمي يا رمز العظامه
وافديك واخذ ما اتعبك ياللي اشقيت
نفسك لشعبك دون ذرة ندامه
لكن تولاك الكريم وتعافيت
وأسعدتنا يا شوق ضبي العدامه
فهيا اطربي يا دار في ذايع الصيت
ذا اليوم عن الأيام فارق مقامه
الضيق ولا يوم يا باس وليت
وغيم الحزن ودع غمامه غمامه
والشعب من نجران لحدود لكويت
يقول لك من صدق حب وشهامه
ما دامك أنت بخير يا خادم البيت
حنا بخير وفي نعيم وسلامه
عبدالله بن محمد بن حفول اليامي