الخطأ والصح

أنا ما دريت إن الخطأ في عيونك صح
ولو كنت داري قلت تساهل عيونك
خسارة وجودي في مكانك وصوتي بح
حسافة سنيني كلها واقف(ن) دونك
من أول أقول إني معك لو زماني شح
وذا الحين أقول الله يعينك على جنونك
تبيني أطيعك في كلامك تعال ورح
يا شيخ اسمع الله لا يهينك على هونك
لو إن العرب مثلك على كل شيء تلح
على الحرام لتبطي تسدد ديونك
وأنا واحد من الناس ما بغى تجر الأح
ولكن إذا حديتني جبت مضمونك
على غير عادة أو على الأمر قم ثم طح
وأنا مستحيل إن طحت بأقول وشلونك
مسافة بعيدة بين صدري وصدرك فح
وجماهيرك بكل المسافة يلومونك
عزاي الوحيد بسطوة الجرح رحت تكح
على وين مدري بس كان الله بعونك
عسى المقبلات تعلمك بالخطأ والصح
وإذا ما عرفته حاول تصحح عيونك
حميد حمدان الرشيدي